農曆年易有大肚腩!飲食小貼士+懶人減肥操

 2021-02-11
農曆年易有大肚腩!飲食小貼士+懶人減肥操

農曆新年一到,相信好多人都會受不住各種賀年美食的引誘,胃口大開,食足一個農曆年假。結果,不知不覺身體就突然增加了好幾磅,腰間的脂肪更甚。而春天將至,天氣會變暖,想以薄衣示人,就要留意以下小貼士同懶人減肥運動法,努力保持體態,同脂肪SayNo!

【唔想肥】
6個飲食小貼士

1. 有節制 慢慢食
大家食飯時,同家人、朋友邊傾邊食,記得要慢慢食,會較易覺得飽肚。因為大腦需要20分鐘先會接收到食飽的訊號,所以唔想變肥的其中一個重點就是「細嚼慢咽」。當然,飲食也要適量,勿做大胃王。



2. 飯前飲水 有飽肚感
食飯前半個小時先飲大約500ml開水,增加飽肚感,但不要邊飲水邊食飯,因為容易導致消化不良。



3. 先湯水蔬菜 澱粉最尾食
建議食飯時先飲湯,再夾食蔬菜,然後食肉,飯或其他澱粉質食品放到最後食。先食蔬菜是因為纖維可以增加飽足感,順便吸附油脂令人更易排便,預防便秘和消化不良。



4. 勿飲汽水 小心糖份
新年飲汽水係大忌,汽水的糖份進入身體後會變成熱量,體重也隨之上升。不妨將汽水換成水、茶、綠茶等較為低糖或無糖飲料,茶類飲料有助去油膩。



5. 糙米好過白飯喎
不妨把白飯或麵類食品換成糙米。糙米的升糖指數(GI)比起白飯低,營養價值也較高。



6. 唔好捱夜 作息定時
研究顯示,捱夜容易令人肥胖,不少人會趁假期通宵打牌,又食賀年零食不知不覺攝取過多熱量。而且捱夜會降低身體的免疫系統,新冠疫情之下,最好還是有足夠的休息。