東涌飛櫻活樂遊 影左影埋右先夠Wide

春天到，又是櫻花盛放的季節，賞櫻唔一定要飛出香港！「機場櫻花園」近年成為港人的限定賞櫻地點，今年園區第三期正式對外開放，面積擴大至3萬呎，160棵櫻花樹齊集盛放。目前園內已是一片浪漫粉紅花海，吸引無數愛花之人專程前往打卡！

Chill爆機場櫻花園 粉紅花海延伸至海濱

位於赤鱲角觀景山山腳的「機場櫻花園」，今年已是連續第三年免費開放，櫻花園在過去兩年已狂吸20萬人次朝聖，可謂人氣極高！今年最驚喜的莫過於園區大升級，總面積大幅擴張至約3萬平方呎。最正的是賞櫻範圍由路邊延伸至海濱一帶，視野變得超級開揚。大家一邊吹住海風、一邊欣賞粉紅花海，Chill爆氛圍直接拉滿！

值得留意的是，今年更開通全新的專屬行人路，從東涌地鐵站出發只需步行約200米即可直達，比以往更快捷、更安全。

「好運來」花期夠長 等到3月睇同樣NICE

今年引入的「好運來」櫻花，又名「廣州櫻」，專為香港氣候量身打造。其色澤紅潤、花瓣緊湊，近看超可愛！當盛放時，整個園區將變成濃密的粉紅大道，極之有浪漫氣息！

目前首批櫻花經已換上粉紅春裝，不少遊客表示，今年櫻花靚過去年！機管局指出，第二批櫻花樹已經適應本港天氣，預計將在3月中至尾開始接力盛開。由於今年的花期較以往長，對於不喜歡人擠人的市民而言，絕對是個好消息！機管局建議市民可安排於2中旬或3月中旬之前賞櫻。大家絕對有充足時間慢慢賞櫻，無需即刻蜂擁而至。

【三大打卡位】

1. 捕捉昂坪360纜車在粉紅花海上方穿梭的景致。

2. 拍攝層次豐富美景，海濱路段可以賞櫻外，亦可以飽覽大嶼山海景。

3. 園內設有櫻花海岸主題裝置和粉紅步道，絕對是必到的打卡位！

【注意事項】

櫻花園不設私家車泊位，機管局建議市民乘搭公共交通工具前往。

機管局提醒市民切勿在櫻花園範圍內搭建帳篷、踐踏草地、攜帶寵物或操作小型無人機。

【機場櫻花園2026關鍵花期】

第一批：即日至2月21日左右。

第二批：預計3月開花，一直維持到3月中旬。

【東涌櫻花園】

地點：東涌赤鱲角南路、觀景山

開放時間：上午8:00至晚上8:00

交通及前往方法

東涌港鐵站B出口，東涌站出發，經纜車站，沿赤鱲角南路過橋步行前往，只需約15分鐘；

或乘搭大嶼山北部穿梭巴士路線：S1、S52、S52A、S52P、S56、S64、S64C、S64P或S64X，在飛機燃料庫站下車，沿觀景路南步行。