聞西──潮式煮法好滋味 豆醬雲耳炆雞翼

朋友笑說：「我阿媽最叻煮雞翼，梗係啦！每個禮拜都煮一次，因為佢知我鍾意食囉！」這位人兄分明在「曬命」啦，完全不似投訴吧！哈哈……

嫲嫲從前也經常煮雞翼給我吃，有時會用豉油冰糖炒，有時用來炆冬菇，我就最喜歡吃滷水雞翼。

急凍肉有時候難免會有雪藏味，有廣告教人用雞粉辟味，其實還有其他較健康的方法，例如我嫲嫲教雞翼解凍後落少少胡椒粉、紹酒就可以除去雪味，另有一個講法「啤水」也可以，但這個實在太浪費食水了。近年雞價上漲，半隻雞已索價近百元，實非一般家庭可負擔，我情願用雞翼代替，至少經濟實惠又啖啖肉嘛。

今次我用潮式做法煮雞翼。潮洲菜中有一道豆醬雞，鹹鮮味十足，更地道的煮法會加入麻醬或花生醬，同時增加醬汁的濃稠度，不用懷疑味道是否搭配，試過你便會知道這個味道絕對是意想不到的好味！

1. 雞翼洗淨用廚紙抹乾，落半茶匙粟粉、1/4茶匙胡椒粉及1茶匙紹酒，拌勻醃15分鐘，細火燒熱鑊落油，先爆香薑片，再放雞翼煎香兩面。

2. 加入蒜蓉及普寧豆醬炒香。

3. 然後加入水及雲耳，冚蓋煮至收汁。

4. 最後加入花生醬及蔥段炒勻後即可上碟。

5. 完成

掃碼看型男教煮餸