(沙田)教人誠意拳拳 傳承心滿意足

「我要打十個﹗」是近年令人最印象深刻的電影金句。中國武術電影在本地屢創可觀票房，然而文化的實際傳承遇上阻礙。武術教練黃鎮浩（黃師兄）說，對於學習自我保護能力，本地的主流不是跆拳道就是柔道，武術為人忽略，而個人在教授武術的過程中，教學相長之餘，更體會中國傳統文化薪火相傳的軌跡。

黃師兄：「以中國武術自強不息嘅精神，審視自己嘅不足。」

自五、六歲起，黃師兄便在位於石門的中國海外武術訓練學院中，學習中國武術。「由細個學起，對肢體嘅開發、手腳協調方面好有幫助。」學院教授拳、扇、棍、刀、劍，以武術的套路演練為主，不設對打，「雖然理解方面會難啲，但我都會盡量示範出嚟。」他表示就算表現出色的學生，遇到實際危險，因為年齡和體格的差距，他都主張逃走，皆因自身安全最重要。

套路的練習可強化肌肉，改善平衡力、彈跳力、心肺耐力等。

回「母校」任教盼薪火相傳

成為武術教練，順理成章之餘還需要契機。「細細個已學，而且讀中學就喺度做助教，從中發現教人可獲成功感。」然而，黃師兄發現自身在教學上的不足，便到台灣的大學就讀體育系：「開頭教嘅時候係教三、四歲嘅學生，有時候溝通唔到，所以想知點教小朋友先聽得明」，「「喺大學上堂，都經常喺腦海重播番做助教時嘅教學情境」。畢業後回港，便直接回到「母校」，出任全職的武術教練工作。

「中、小學嗰陣都參加過好多比賽，奈何次次都有名次，却未能奪冠」，後來教學時的觀察，反令他有所頓悟：「比賽唔係贏就輸，有唔開心、會灰心都係正常。但最主要都係我哋中國武術入面自強不息嘅精神，審視自己嘅不足，然後改善，令自己不斷進步，越戰越勇。」現時，遇到有學生因比賽結果頹然，他便以自身經歷建議做引導。

套路以強身健體為主，表演亦悅目。

家人知道我只要鍾意，就會做得特別好。

教授武術已然近十年，黃師兄慶幸有家人的信任和支持，「雖然佢哋都有擔心地問：『呢份工可唔可以長期做呀？』。但佢哋都知我鍾意呢樣嘢，都支持我、相信我只要鍾意就會做得特別好。」看著曾經的學生亦成為學院助教，不禁慨嘆：「由睇住佢成長，三、四歲嘅時候，到宜家已經高過我，突然對於教小朋友，傳承武術嘅意義感受好深。」

教拳還需自身硬！

【抱拳禮】

中國武術崇尚禮儀，右拳、左掌相合，喻拳由理來、以武會友，象徵五湖四海，天下武林是一家的概念。

電影渲染令人卻步「唔係流淚就係流血」

年紀輕輕的黃師兄，擁有近十年的武術教學經驗，全職武術教練工作更已踏入第四年：「都因為好多電影嘅橋段，令好多人覺得中國武術唔係流淚就係流血，令唔少家長、小朋友卻步。」

原來「從小培養對武術的興趣」並非必然，「因為武術其實比其他同類型嘅運動，好似跆拳道、柔道等更加辛苦。」單論中國拳種已有300多種，派別、出處不同，功法的運行、運用的身體肌肉亦大有不同。「所以要練好一套拳，唔止要知道點耍就得；要耍得好，仲要知道套拳入面嘅含義，所以教嘅時候，我都會講埋招式名同內在嘅意思。」

黃師兄與學生亦師亦友，相處融洽。