(沙田)有波打有巴打 老友享受笑臨足球

「咁接波係咪順啲，然後再咁轉身，就有空間傳波了。」逢周二早晨，在大圍站旁的五人足球場，便會看到一幕有趣的畫面：一班老友記身著波衫，耐心聆聽著教練的指導。這就是耆菁薈舉辦的金齡足球訓練班，讓一班活力長者享受踢足球的樂趣，收穫難得的友誼。

耆菁薈：「佢哋嘅體能、四肢協調進步咗好多，友誼都越來越緊密。」

隊長Calvin原本從事醫務工作，退休之後發覺一個人運動顯得沉悶。了解到有這樣的訓練班便報名參加，到現在已有四年的時間。

成立四年，大家好享受足球樂。

Calvin:「我哋仲一齊宵夜、飲茶、去睇香港隊比賽，好開心。」

Calvin表示，四年間不僅令身體變好，更交到了一班志同道合的好隊友，「大家互相將就，有團隊精神。大家關係都好好，除咗踢波我哋仲一齊宵夜、飲茶、去睇香港隊比賽，好開心。」

問及這年紀是否不適合足球這項激烈運動，Calvin不以為然。他說大家都會互相照顧，盡量減少一些身體對抗和接觸。Calvin說，年齡的限制，絲毫不影響各位球員的投入和求勝欲。正如他最欣賞的球星C朗一樣，在場上充滿熱誠、毫不惜身。最令他感到開心的，便是在一次社區比賽中拿到亞軍，「比賽仲有比我哋年輕嘅球隊，但係我哋穩紮穩打，享受比賽，攞到亞軍呢個成績係喜出望外。」

在大圍社區服務多年的耆菁薈會長董健莉（Kelly），便是偶然見到社區的球場邊，總是有長者觀看年輕人踢波。「好多老人家睇波，但要佢哋同年輕人踢，係追唔切的。」故此，她想到利用社區的設施，創辦這個長者足球訓練班。最令Kelly開心的，便是一班老友記身體越來越好，「佢哋嘅體能、四肢協調都進步咗好多，而且友誼都越來越緊密。」

隊友成為老友，成日開開心心。

Calvin 最鍾意的球星是C朗。

謝Sir:「佢哋態度認真，落力投入。」

足球班更與香港國際米蘭青訓學院合作，謝志仁謝Sir便來自學院。談起教細路與長者的分別，謝Sir稱讚長者球員們態度認真，落力投入。幾年時間的訓練，亦令他眼見長者們嘅進步，「佢哋一開始時10分鐘就唔得，而家真係好咗好多。」他也希望能夠有更多長者參與到足球運動中，只要適當注意規則，減少對抗，對於長者亦是一項好好的運動。

謝Sir 希望更多長者踢波。

【踢波多交流 有助與後生仔溝通】

這班長者踢波不僅認識了一班志同道合的老友記，身體上的變化更是個個都深有體驗。

南哥:「感覺身體比58歲嘅時候好好多，而家瞓身救波都冇問題。」

現年62歲的南哥四年前開始踢波，本身感覺身體不太好的他經四年鍛煉，如今直言「感覺身體比58歲嘅時候好好多，而家瞓身救波都冇問題，而且越踢越開心。」在參與足球的過程中，亦學到了如何與年輕人溝通，「踢波要聽教練指令，又要同隊友溝通交流，大家性格都唔同，要互相遷就。咁令我而家同後生仔溝通都好好多啦。」

南哥說踢了四年，身體比以前更好。

扭得好，踢得鬼馬。