(沙田)創業者研發即沖茶飲智能售賣機

「夜嘛嘛，有咩好飲呀？」相信大部分香港人都經歷過「夜貓子」的生活卻苦得一瓢。「來點茶」的創辦人盧文聰（Michael）和王子傑（阿傑）為同路人，他們從使用者角度出發，用四年時間將「來點茶」由概念泡泡變成實體事業，打造全港首部獲發牌及專利的即沖茶飲智能售賣機。

「來點茶」：「因為部機入面嘅空間所限，唔同嘅方案都有需要取捨嘅地方。」

沒有華麗概念 源自生活一閃靈光

原從事互聯網技術工程的Michael和大學主修供應鏈管理的阿傑，經常參加不同的創業活動，因而認識：「大家交流對創業嘅諗法，知道對方對創業都有渴望。」二人不約而同笑言：「有次初創活動完咗之後，已經係深夜時分，當時大家傾左成晚都想買啲野飲，點知周圍乜都冇。」沒有華麗的創業概念，只有源自生活的一閃靈光：「嗰下就諗，會唔會可以一日二十四小時，喺香港唔同地方，全日供應手調飲品？」

心動不如行動，觀察到市面上的手調飲品店營業到八時左右就已關門，加上都是重複沖調動作，便忽發其想：「現時嘅茶飲鋪因為需要人手，所以都會有固定嘅營業時間。但如果可以透過自動化機械設備，做得到重複嘅動作除卻人手，係咪可以解決到夜晚買唔到嘢飲嘅問題，甚至可以全天供應？」於是開始尋訪廠商，商討「來點茶」概念的可行性。

配合智慧城市發展，Let's tea，Let's see。

以「有限」創「無限」 營運有別於傳統茶飲

Michael指，兩年間走訪大大小小的茶飲店和廠商，自動售賣機終由概念到研發和實測：「因為部機入面嘅空間所限，唔同嘅方案都有需要取捨嘅地方」，故此以「有限」去造「無限」。破格的自動化販賣設備，營運方式有別於傳統的茶飲店：「唔需要涉及到人手，又可以全日喺唔同地方透過呢啲機械設備，為有需要嘅客人提供新鮮即調飲品，有別於一般售賣機預先包裝好嘅罐裝同紙包飲品」，以無人的方式讓客人自選冷熱、甜度、冰度，同時支援不同電子支付模式，幾乎與一般店舖無異，亦正正是可以配合智慧城市的生活例子。

「香港係一個商業化都市，有少部分行業、職位都需要人手深夜支援﹔而大學生嘅住宿生活都比較多姿多彩，瞓覺嘅時間一般都比較夜，學校入面未必有太多唔同種類嘅飲品選擇。」因此兩人最想達到的目標是瞄準中文大學，為中大山頭的同學仔「謀福利」。為迎合不同市場群眾需要，「來點茶」的售賣機都會盡量設置在附近，達至「遵循到二十四小時喺全香港唔同地方、唔同時間都營運到。」

.

小小空間除裝有電子儀器，還有無形心血。

無人的方式，讓客人自選冷熱甜度冰度。

【配合環保 減塑唔走數】

市面上的手調飲品，大部分都採用全塑料包裝，阿傑和Michael卻希望打破這局面：「我曾經喺網上面睇過海龜生態嘅片段，見到塑膠嘅廢棄用品對佢哋影響好大。」

「我哋而家用緊嘅可生物降解膠杯，同時推行回收獎勵計劃，希望客人可以拎住我哋嘅膠杯去指定回收設備回收儲分，以積分換飲品購買折扣。」雖然為可生物降解，但仍需要長時間自然分解，因此希望可以盡量集中回收，藉此為環保出一分力。

兩人目標是2023 年底前增至30部機。

採用無飲管包裝支持環保。