陳洛志──居家送暖 風筒變養生神器

日常生活中，感冒、胃痛、腰痛、經痛總是無聲無息地襲來。唔想食藥？其實你屋企個風筒，可能係你未發掘嘅健康法寶！中醫師曾俊杰分享，風筒不止用嚟吹頭，仲可以變身「急救神器」！

原來，將風筒對準身體特定穴位，以適當嘅熱力刺激，可以幫助改善血液循環，達到紓緩疼痛嘅效果。例如感冒時，可對準後頸嘅大椎穴；腰痛時就吹向腰部；胃痛就沿住胃部打圈；經痛則集中吹肚子。每次5至10分鐘就足夠，簡單易做，唔使出門都養到生！

用低溫模式 距離穴位15cm

提醒一下，一定要用低溫模式，保持約15cm距離，避免燙傷。孕婦、皮膚敏感或發燒者切勿嘗試，以免弄巧反拙。

有時候，健康就藏喺生活小物入面。試吓將風筒由美容工具，變成你居家養生新拍檔！下次唔舒服，不妨試試呢個簡單又方便嘅方法，或者可以幫你減輕痛楚，唔洗第一時間衝落街搵藥食啦～健康生活，其實可以好貼地！