綠色驅蚊法 乾手淨腳唔使殺

上月，本地經歷1884 年有記錄以來最熱的4 月，蚊蟲因而提早出沒。不少家長表示，小童被蚊叮的情況愈見嚴重，尤其晚上熟睡時，清夢被擾，令人非常困惱，而且蚊叮之處痕癢難擋。以下五種簡易驅蚊貼士，大家不妨參考一下，讓家人早日擺脫惡蚊！

1. 人棄我取 曬乾果皮組一隊

唔講唔知，柚子皮、橙皮及檸檬皮，除了可以用來製造天然酵素清潔用品外，還可以製成乾果皮用來驅趕惡蚊。食用完的果皮不要浪費，可以曬乾製後放入小包擺放在陰暗角落，或把乾果皮切幼小量燃點，都可以有效驅蚊防蟲。

2. 咖啡茶葉渣 惡蚊頭暈多得它

大家都知風乾的咖啡渣和曬乾的茶葉渣，可以用來除臭，但原來還可以倒入耐熱的器皿內燃點來驅蚊，皆因惡蚊極度討厭咖啡及茶葉的味道。

3. 揮發氣味中藥 製成錦囊變金鐘罩

不少中藥都含有特別氣味，例如丁香、艾葉、白芷、蘇葉、薄荷、石菖蒲、藿香及金銀花等，其氣味會令惡蚊非常厭惡，可以選出5 至6 款， 各10 克，打碎後放入茶包袋或煲湯魚袋綁緊，就可以隨身攜帶。

如果在室內使用，材料分量可增加2 倍。記得切勿讓小朋友接觸中藥包，藥材分量雖少且無毒，但仍須注意慎防兒童誤食。

4. 稀釋植物精油 功效姿態皆一流

防蚊的植物精油，包括檸檬尤加利、薰衣草、天竺葵、檸檬草、貓薄荷及薄荷等，大家可在清洗衣服時加到衣服上，但必須留意純精油不可以直接搽到皮膚上，必須稀釋以後才能使用，否則有機會灼傷皮膚。

5. 製「甜蜜陷阱」 陰暗處放糖水武器

雌蚊飛翔的能量並非來自人血，而是來自燃燒醣類，所以糖類對雌蚊極之吸引。準備好膠樽並注入含5% 糖份的清水，再按硼酸與水1：100 的比例加入硼酸（化工原料行有售），惡蚊吸食得多時就會被毒死，就算食得少都會令胃部組織壞，往後幾日因消化功能喪失而「餓死」。硼酸有防腐功能，所以1 至2 個星期再換水。

【個人防蚊小貼士】

長衫長褲遮手腳 淺色反光嚇惡蚊

在戶外去多蚊地方時，應以淺色長袖衣服為主，減少皮膚外露。淺色衣服帶反光作用，惡蚊趨向藏在陰暗處，所以穿深色衣服的人較易成為惡蚊的攻擊對象。

出汗後盡快沖涼 減乳酸拒「貴利王」

想防蚊事半功倍，除了要善用驅蚊法寶外，個人衛生亦好重要，建議體味重的人出汗後，應要立刻抹乾或盡快沖涼換衫，因為汗液中的乳酸和脂肪代謝物等，都是吸引惡蚊埋身的誘因。