開始愛回收生活 原來呢啲廢物一樣有得收！

「藍廢紙、黃鋁罐、啡膠樽」的廢物分類回收方法，大家由細聽到大已經耳熟能詳，但原來可以被回收的垃圾不只以上幾樣！薯片袋、紙包飲品、玻璃樽以及破舊雨遮等，統統都有得回收。大家唔想再加重垃圾對地球的污染，務必開始一個愛回收的生活習慣！

玻璃樽
唔講唔知，玻璃樽在回收後會壓碎成玻璃砂，加入英泥或碎石，就可製成行人路環保磚或建築物料。環保署及不同機構都有推出玻璃樽回收計劃，咁樣大家除咗按樽，仲多一個回收方法！

回收步驟
1.回收只限酒樽、果汁、汽水、礦泉水等的玻璃樽
2.必須把樽蓋移除，洗淨
3.放入屋苑或公屋的綠色玻璃樽回收箱

掃瞄QR Code查看回收地點

零食袋
平日買開的零食，包裝袋一般用鋁箔及/或塑膠加工做成。環保機構「綠行俠」就接受回收薯片、蝦片、蝦條等零食袋，再改造成雜物袋、散紙包、筆袋。大家只要清理好，就可以寄畀「綠行俠」。

回收步驟
1.打開零食袋時保持袋口完整
2.食袋清空後，整齊地剪去袋的底部以便清潔
3.用肥皂、洗潔精清洗較油膩的零食袋
4.徹底晾乾，確保潔淨、無異味
5.郵寄到：葵涌葵秀路11-15號蘇濤工商中心4樓4D室「綠行俠」陳列室


紙包飲品盒
香港第一家紙包飲品盒回收漿廠及教育中心「喵坊」，每日可以處理大約十噸紙包飲品盒，製成再生紙品如廁紙或抹手紙。

回收步驟
1.飲完後移除飲管膠袋、飲管或者膠蓋
2.剪開、攤平飲品盒，清洗乾淨後抹乾即可
3.郵寄到：香港新界元朗工業邨福喜街82號

舊雨遮
環保社企「綠行俠」也有回收舊遮的服務，收回來的舊遮，會被改造成短遮袋，大家以後就毋須在商場索取透明塑膠雨遮袋！但大家也要留意，任何布質傘布的雨遮都可以回收，但不接受用膠片代替傘布的雨遮。

回收步驟
1.先清洗潔淨舊雨遮
2.親身去或郵寄到：灣仔石水渠街85號聖雅各福群會總會大樓6樓聖雅各福群會賽馬會升級再造中心，或葵涌葵秀路11-15號蘇濤工商中心4樓4D室「綠行俠」陳列室

慳電膽及光管
慳電膽的部分物料其實可以循環再造！環保署就推出慳電膽及光管回收計劃，為家居免費回收各類含有水銀的舊燈管，包括慳電膽、光管和高強度氣體放電燈，盡量減少對環境的污染。

回收步驟
1.用新燈管的包裝物料把舊燈管包裝好
2.清理破爛的燈管時，必須戴好即棄手套，小心處理燈管，放入收集箱內回收
3.放入回收箱

掃瞄QR Code查看回收地點