簡易級親子郊遊路線 將軍澳探小夏威夷徑

 2020-11-20
簡易級親子郊遊路線 將軍澳探小夏威夷徑

抗疫多時,隨著住政府放寬社交距離措施,一家人開始走出屋企,到郊野公園抖抖氣。不過,近日每每去到郊遊勝地,都有可能遇上人山人海嘅場面。其實,想喺市區嘅行山徑欣賞自然美景,又唔駛跑到太遠。我哋就帶大家去位於將軍澳嘅小夏威夷徑睇瀑布,又唔駛花好多時間!

1. 由井欄樹出發行落山舒服啲


想行小夏威夷徑行得輕鬆一啲,可以選擇在井欄樹作為起點行去寶琳,絕大部分路段以落山為主。喺井欄樹巴士站落車之後,過行人隧道,就會見到前往澳頭村嘅指示牌,我哋就沿路進入。在正式走入小夏威夷徑前,大家可以留意一下一條曾經用來作引水道嘅小橋,家長可以讓小朋友估下條橋用途,增進一下知識。

在分坌路靠左,留意指示牌,稍後就正式進入小夏威夷徑。


2. 小峽谷映入眼簾鄉郊氣息濃


進入小夏威夷徑之後,目光好快就畀一大片草原吸引,行多兩步有一個小峽谷映入眼簾,由遠至近綠油油一片,風景十分怡人。據說上世紀初有商人喺附近經營麵粉廠,麵粉廠倒閉後,村民就將廢棄嘅儲水池改成小夏威夷游泳場,亦係小徑名稱由來。我哋就建議一家人盡量放慢腳步,邊行邊欣賞哩個寧靜嘅自然美景,暫時忘卻抗疫嘅緊張思緒!

3. 考考大家眼力搵出水壩遺蹟


沿住石砌嘅步道走入樹林,不時聽到流水聲。原來當年為建造麵粉廠,商人在河道嘅上游興建至少三條水壩,將河道嘅水截入儲水池。現在除咗最下游嘅一條外,其餘兩條都已經被破壞或炸毀。家長不妨同子女邊行邊搵,睇吓搵唔搵到所有水壩遺蹟!

4. 水壩小瀑布打卡勿落水嬉戲
最下游嘅水壩尚算完整,水流由中間嘅缺口一瀉而下,形成一個小瀑布。經常有人喺埋個水壩上打卡,大家亦都可以由林中崎嶇小道走落去,正面拍攝小瀑布嘅全貌,但要注意安全。小瀑布下面有一條小溪澗,有好多家長都會帶住小朋友來玩水,但是「欺山莫欺水」,我哋就不建議落水,以免發生意外。

5. 林中小道而下賞將軍澳樓景


經過河溪小橋後,大家要細心留意石道旁邊嘅一條崎嶇小道,沿道而下,就會見到多塊巨石。放眼一看,可以遠眺將軍澳嘅樓景。寬闊巨石足以容納二三人,加上流水淙淙,整體氣氛甚具詩意。但是大家要小心水深石滑,家長若帶住小朋友的話,都係從岸觀賞,切勿爬上巨石。

6. 旅程尾聲蓮苑臺瀑布大合照


離開巨石再向下行大約15分鐘,就會到十字路口。向右轉,沿澳頭方向行約10分鐘,就到達蓮苑臺瀑布。瀑布層層遞上,流水沖擊大石嘅聲音巨大,好多人都會在厘度自拍或影大合照,一家大小亦可以坐喺岸邊欣賞變化萬千嘅流水景色。之後原路折返到十字路口,往將軍澳村方向落樓梯,一家大細就離開小夏威夷徑回到市區喇!

從石道旁邊嘅崎嶇小道而下,你會發現視野豁然開闊。


【簡單資訊】
路線長度
約2.9公里(井欄樹至寶琳北路)
約3.8公里(井欄樹至寶琳地鐵站)

行程時間
約1.5小時

起點交通
巴士路線91、91M、92、96R、689R等
小巴路線1、1A、11、104等

終點交通
寶琳地鐵站,巴士路線93A、93K、93M、98A、98C、296M、690、692等



生活

學習

無綠不歡

環保



相關文章


去書展 重新認識屬於你的香港地區焦點

去書展 重新認識屬於你的香港

那些年,我們在爸爸媽媽的陪伴下,走入人山人海的書展會場,一本本色彩繽紛的兒童圖書目不暇給;長大...

反式脂肪陷阱 一件千層蛋糕=四包薯條醫‧家

反式脂肪陷阱 一件千層蛋糕=四包薯條

食蛋糕hightea是不少女士的至愛,但要小心當中反式脂肪帶來的健康風險!消委會最近與食物安全中心合作...

行麥理浩徑 睇靚景去也!新界獵奇

行麥理浩徑 睇靚景去也!

經過了首三段的麥理浩徑,準備踏上麥徑最艱苦的第四段路了,從企嶺下開始,橫跨幾個大山,路途長耗時...

聞西──潮式煮法好滋味 豆醬雲耳炆雞翼型色‧煮意

聞西──潮式煮法好滋味 豆醬雲耳炆雞翼

朋友笑說:「我阿媽最叻煮雞翼,梗係啦!每個禮拜都煮一次,因為佢知我鍾意食囉!」這位人兄分明在「...

教曉狗狗唔好隨處痾Chill人學堂

教曉狗狗唔好隨處痾

狗隻隨處大小便,不但要忍受惡臭,四處清理大小便,有時狗隻還會在床上、沙發上小便,讓狗主忍無可忍...

超正清吧 Chill住嘆廣州塔美景遊走大灣區

超正清吧 Chill住嘆廣州塔美景

一杯紅酒入胃、伴著沙啞的情歌,無論是還是工作的壓力,或者感情的失意,你都可以在廣州的一個個特色...