(沙田)OL港妻開網店 賣「家的湯水

「嫁咗出嚟之後，最掛住嘅就係阿媽嘅湯水。」「家嚐味」創辦人Debbie的創業念頭，源自對家的味道之思念。Debbie的創業故事，沒有驚天動地的經歷，卻盛載著在職人妻的真實貼地心聲與體會。

Debbie在火炭穗禾苑長大，與閨蜜同事三年前經歷一齊由「做女」變人妻，大家的共鳴就是不適應沒有家裡的湯水滋養。「香港地工作時間長，返到屋企仲要處理大量家頭細務，邊有時間煲湯呀？」她慨嘆道。

Debbie：我係一個懶但有要求嘅女人。

焗湯俾老公激發創業計

Debbie坦言，結婚以後才知道母親任家庭主婦的勞苦，「認真煲湯要從揀材料開始，然後洗材料、切肉到熬湯，足足最少花上五個鐘頭。」

兩年前，適逢燜燒杯潮流興起，兩女嘗試每日用燜燒杯焗湯，Debbie更會請教身邊的中醫師有關材料配搭的問題，「試過係餐廳叫老火湯，試過飲出面嘅加熱湯包，但係始終都冇喺屋企飲嘅湯足料同健康。」

就是這樣，一位典型OL港妻從焗湯給老公開始，激發創業點子，以「家嚐味」命名湯水材料包品牌，為香港人尋找家的湯水味道。

數十款湯包均由Debbie 親自揀料包裝！

果乾和菜乾屬自家曬製。

海味街啲姨姨嬸嬸都變成老友。

「我係一個懶但係都有要求嘅女人。」雖然Debbie說創業當初只是小試牛刀，但過程絕對不馬虎。一位對煮食零經驗的女孩，到處請教中醫師和廚神主婦，甚至報讀養生湯水課程，為煲靚湯下了不少功夫。

大圍設工場網店銷售湯包

Debbie每星期去上環海味街，逐間逐間海味舖揀靚材料，「海味街啲姨姨嬸嬸都變成老友，佢哋會主動話我知邊度買到最時令嘅材料，又傾吓煲湯偈。」「家嚐味」主要以網店經營，除了從本地購入海味食材外，湯包內的果乾及西洋菜乾都由Debbie在大圍的小工場自家曬製，務求做到「睇得到貨真價實」的本地手作小店。

Debbie笑言，每一位家人都是專業試飲員，皆因她每次研發新湯款式，都會讓全家人試味，然後每人評一評分，給予味道和口感建議。「屋企男女老幼，各人口味不一，所以家庭就係我嘅湯水實驗室，反映唔同湯品對於唔同階層年齡的人的反應和療效。」對於家人的支持，Debbie表示心存感恩。

【愛如湯水 女人心事話你知】

過去兩年多的經營，Debbie覺得最滿意的事，就是認識到一班無所不談的熟客「網友」，有不少媽媽會跟Debbie討論產後進補心得，有些會請Debbie分享小朋友飲湯配方，令她見證自己研讀湯水的得著。

Debbie 透過擺市集認識更多愛湯之人。

她認為即使再忙碌的女性，也需要注意養生：「細細個阿媽話女人唔補好快老，我宜家終於明白。所以我成日都會鼓勵身邊細過我或者差唔多年紀嘅客人，要趁後生補充好營養，唔好掛住搏命工作，有湯水之餘都要休息足夠先可以發揮作用。」

材料焗四小時就飲得！