(沙田)踩Roller巧滾動 點樣起身靠自己

「滾軸溜冰？係咪即係溜冰？」、「要喺街度練習咪好易識到壞人？」以往提到滾軸溜冰，家長們紛紛提出上述疑問和擔心。星霖滾軸運動(NOVA Skate)的李其鴻教說：「今時不同往日，滾軸溜冰呢項運動嘅發展已經好有規模，而且當中向參與者傳遞嘅訊息都好有意義。」

李教練：「有咗場地，先有訓練，再有未來。」

希望潤澤沉寂已久嘅滾軸運動。

星霖滾軸運動先有英文名NOVA，再𧗠生出中文名。「NOVA係新星，亦係拉丁文入面嘅『革新』」，意指希望以創新嘅模式發展滾軸運動。」星霖不限於固有的比賽技術或者營運模式，並且透過融合各種不同的運動技巧，開拓新的路向，發掘滾軸溜冰無限的可能性。「星霖中嘅『霖』字，係希望我哋可以好似甘霖咁，潤澤本地沉寂已久嘅滾軸運動，為佢再次興起盡一分力。」

一日比一日進步。

雖屬個人活動課程重視人際聯繫

滾軸溜冰屬於個人運動，相對較缺乏團體合作的機會，但星霖也會安排各種協作遊戲或組隊比賽訓練。李教練最希望可透過滾軸溜冰建立人與人的連結：「有次比賽前夕教練受傷，身為港隊嘅師兄師姐，為出賽經驗尚淺嘅師弟妹編排動作。」因為運動員的競爭激烈，「佢哋係忙碌嘅比賽期間仍然願意照顧後輩，係十分難得同值得嘉許嘅事。」

發掘滾軸溜冰無限的可能性。

學習嘅時候，必定會經歷多次跌倒。

這項運動鍛煉小朋友的技能和體能：「相對滑冰，我哋更講究小朋友對平衡性同協調性嘅精準度，但唔同項目對運動員嘅要求都唔同」，如速度滾軸溜冰在肌力和心肺能力嘅佔比會較大；藝術滾軸溜冰則對靈敏度和協調有更高要求。

此外，李教練指滾軸運動亦有助鍛鍊小朋友的心性發展：「學習嘅時候，必定會經歷多次跌倒，我哋希望小朋友從中學識『靠自己站起來』嘅精神。日文入面嘅『七転八起』，跌低七次，就要起身八次，而第八次就係為咗下一次準備，一日比一日進步。」

跌倒再起身，屢敗屢試、不屈不撓。

滾軸運動是非常自由的運動，同時也是一種移動的手段，並無一種固定的形式。「我哋希望宣揚滾軸溜冰無限嘅可能性，俾社會各界認識，並且將滾軸溜冰同唔同嘅元素融合，再引伸出各種新嘅想法。」因此，李教練希望滾軸溜冰的大自由度，能對學生們將來無論身在何處，都有所啟發甚至產生幫助。

學生從實戰汲取經驗，在不同賽事奪得佳績。

【家長的疑惑 「滾軸溜冰原來無冰？」】

早幾年不少家長對滾軸溜冰的印象，依然是「係80年代飛仔玩意」。「香港嘅滾軸溜冰隊，已發展成國際間有競爭力嘅隊伍，宜家都唔會見到有心機練習滾軸溜冰嘅『飛仔』，所以宜家玩唔再係似以前咁多擔憂。」

李教練笑言，「反而近年有唔少家長認為滾軸溜冰等於滑冰，最得意嘅係聽過『滾軸溜冰原來無冰？』」其實兩個運動只是相似，卻是兩個完全獨立的運動。

現時，李教練在大圍車公廟遊樂場，以及馬鞍山錦豐苑內的場地教授。對於運動在本地的發展路向，李教練稱希望多建幾個大型滾軸溜冰場，因為「有咗場地，先有訓練，再有未來」。但他認為更優先的事，就是先釐清統一各區場地的使用規則，才可減少各種爭場，或使用上的爭議。