(沙田)劍擊教練辦學校 線上線下教學

港隊今屆奧運的表現，令更多香港人留意一些原以為遙可不及的運動，劍擊就是其一。位於沙田的尚方劍擊學校不但有線上、線下教學，創辦人盧姍姍教練希望藉劍擊令小朋友和家長明白運動的真正意10義，小朋友享受挑戰自我的過程又可培養堅持、願意付出的正面心態。

盧姍姍：「不斷比賽，藉實戰體現能力。」

忙極都要「打劍」？
全因：「好玩呀！」

這天，有幸得鴻生、Borrie、Cayden和唯一的女將Jessica四位小劍士分享「打劍」感受。

香港劍擊隊表現令人振奮，直覺上小劍士必定冇錯過觀賞，豈料異口同聲說：「冇呀，冇睇到」，不禁令人詫異。問及原因，好動的Cayden埋怨：「好忙㗎，要上堂，又要做功課。」疫情下在家學習，緩和後開始回校上課、興趣班或補習班等，日日行程密密麻麻的。究竟什麼原因驅使他們每星期兩至三天、六時準時「打劍」？全因：「好玩呀！」

四位小劍士分享「打劍」感受。

「呀！好攰！」短短一小時課，大家「無數次」唸起這句，然而仍積極投入每個環節，甚至：「到我！到我！」同樣不絕於耳。「玩劍擊好攰，仲有整親，試過呢度紫色」，鴻生指著自己的左膝蓋；Jessica也表示「劍好重」，不過同樣「會繼續玩（Borrie）」、「因為玩得開心（Cayden）」。

「呢度唔得，手要刺高啲、抬高啲，刺呢個位。」看著四人輪流與教練一對一練習，盧教練指學校通過劍擊運動，培育學生的自我認知能力，了解自己的長處同時面對自己的弱點。

問及將來劍擊之路，四人雖然「人仔細細」，對答卻有文有理：「會繼續玩，但因為宜家係花劍，大個啲可能試下重劍（Jessica）；我想做畫畫老師（Borrie腼腆說著）。」Cayden更「人細鬼大」：「未諗喎咁耐之後嘅事。」的確，現在首要好好享受童年，好好享受劍擊帶來的挑戰和樂趣。

只有享受過程
才可走得更遠

盧教練常建議家長，先關心小朋友是否享受過程，多於實際成績：「可能問『玩得開唔開心？』或者『有冇做到自己想做嘅嘢呀？』等等」。「劍擊係一種對抗性運動，唔似跆拳、空手道咁有幾段幾段嘅架構，而係靠不斷比賽、實戰體現自己嘅能力。」小朋友享受對戰過程，才可在劍擊路上走得更遠。

盧教練認為：「香港各方面資源，可培育創造佳績嘅運動員。」她希望大眾尊重運動，「了解運動嘅必要性，同時都想有興趣、發現到箇中樂趣嘅人可以付出時間、精力，大家參與運動、支持運動，先可以令本地運動發展更好。」

上堂時除一般熱身，還有不同遊戲訓練學生體能反應。

想做「劍神」就要遁序漸進練習

每年，學校都有舉辦不同比賽，當中的「三武士劍擊挑戰賽」更為年度主打，但「我哋唔會好谷啲小朋友一定要攞獎。」他們會提醒小朋友志在參與、享受過程。

「好多時家長喺小朋友完咗比賽就會問：『有冇贏呀？』，以致小朋友因害怕未能贏得比賽而令父母失望，從而給予自己無形壓力」，「當然如果佢哋想喺呢條路發展，我哋一定會幫忙，並根據番佢哋嘅程度去設定遁序漸進嘅練習」，盧教練笑言。

疫情下，尚方推出一套三件用具（兒童劍擊訓練墊，發聲膠劍及練習靶）連網上教學課程，讓有意者在家試學。

看似簡單的動作，也要用上全身的肌肉力量。