(沙田)詠春教練 小念頭悟大道理

「日字衝拳一百下，開始！」走進「亮」詠春的課堂教室，便聽到教練正對一群眼神堅定的小朋友，發出練習的指示。身為葉問直系第三代傳人的林師傅，開辦這間武術學校，教導大人小朋友，在這門傳統武術中鍛鍊體魄與心性。Neo師兄和詠師姐，便在其中學到了許多。

Neo & 詠師姐：「學習武術唔係為咗蝦其他人，武德都係好重要。」

煩躁嘅時候自己打一套拳，便可以清空腦袋，心無雜念。

問及學習詠春原因，Neo笑言自己最初目的是減肥，加上自己喜歡中國功夫，便選擇了學習詠春。原本以為詠春較其他武術來得輕鬆，學習之後才發現動靜結合的詠春一點也不輕鬆，「原來打詠春好消耗體力，當然詠春係十分好嘅運動，我從練詠春到而家，已經瘦咗10幾磅。」

同時，他還體會到詠春不僅鍛煉體能，亦可沉澱心性，「咁煩躁嘅時候自己打一套拳，便可以清空腦袋，心無雜念。」

詠春鍛鍊孩童體魄與心性。

令小朋友明白有體魄先可以保護自己、保護屋企人。

經過跟隨林師傅的嚴謹教學，Neo及詠師姐已經成為訓練班的教練。詠師姐說希望通過詠春，教給小朋友強身健體、保護他人、尊師重道、遵守武德四方面的內容，「要係練習嘅過程中，令小朋友明白有體魄先可以保護自己、保護屋企人。亦要令佢哋知道，學習武術唔係為咗蝦其他人，武德都係好重要嘅嘢。從中學到何為克己同埋謙卑。」

阿Sir 出招，小女孩認真聽教。

佢哋真係得閒就會練功。呢樣嘢培養咗佢哋堅持嘅品格。

最令Neo和詠師姐感自豪的，是許多小朋友都開始愛上了詠春這門傳統武術，也令許多家長對他們有了信心。許多小朋友不僅來到訓練班才練習功夫，回到家中仍然很上心的練拳。「好多家長分享畀我哋小朋友係家中練拳嘅視頻，佢哋真係得閒就會練功。呢樣嘢培養咗佢哋堅持嘅精神。」

有一種堅持叫「落堂換咗衫，再找詠師姐過招」。

【嚴師課堂外打成一片 唔使等再見亦是朋友】

二人談起自己的師傅，直言師傅對於功夫是十分嚴謹的教練。「如果第一套小念頭、第二套尋橋未練好，師傅係唔會教畀你第三套拳法標指嘅。每一次出拳時嘅眼神、動作，師傅都會細心糾正。」

許多小朋友在練習過程中，喜歡上詠春。

在生活中，師傅又不像傳統的長輩，反而會與一幫徒弟打成一片，一起聚會交流。「我哋好似一家人咁，係師傅亦係朋友，會畀好多我哋人生中嘅好建議。」

林師傅（左一）和藹可親，循循善誘教導細路。