夏夜是觀星的絕佳時機,即使沒有流星雨,平日抬頭仰望夜空,只要用心去感受,總會給宇宙的浩瀚無垠所打動。雖然如此,面對成千上萬的星象,若沒有天文知識,縱然有感性的滿足,但對其中的美妙之處往往「知其然而不知其所以然」,有時少不免有份淡淡的落寞……
位於火炭、專研天文教育的星河科研社社長方浩翔(Savio),向我們講述他的「天文與我」,或多或少可為大家帶來啟示。
方浩翔:呢個係可以玩成世嘅一個愛好,同不斷尋求嘅學問。
Savio的天文學之路始於讀小學時,而天文對他而言,是永不過時且跨越國界的主題,從古代的曆法和天象觀測,到現代的太空探索,一直是人類求知求樂的重要領域。曾經是工程師的他,懷著讓「更多大眾市民認識天文」的熱情,並認定香港有潛力發展天文研究,因此在1996年成立科研社。
在香港這個城市,Savio坦言推廣天文教育遇過不少挑戰,例如城市燈光的干擾及天氣的不穩定,「香港城市燈光有一定影響,唔會夜晚一行出街,就成條銀河喺天空上高,亦都唔會一年日日都好天」。
「星河有一串星際流火」帶來的感動,還記得嗎?
//香港都睇到太陽月亮光嘅行星,未至於咩都睇唔到。//
同時,科技不斷進步,香港的攝影師們利用先進的天文設備,捕捉到了許多香港星空的璀璨一面,「香港嘅天空唔係『好夠暗』,但係都睇到太陽月亮光嘅行星,未至於咩都睇唔到」。而且本地市民消費能力不斷提高,越來越多人願意購買天文設備和參加相關活動。
藉舉辦多次的天文教育活動,Savio見證不同小朋友接觸天文後激發出熱情,「有啲當時候係小朋友嘅,到而家已經長大成人,甚至成家立室,仲有讀緊同研究天文學相關嘅嘢」。他還憶述起有家長曾反映自己小朋友在一次觀星工作坊後,一個月內便在圖書館借了十本天文相關的書。
踏足多國看星空,他心存感恩。
//細路仔鍾意嘅話,就可以放手畀多啲空間畀佢哋探索。//
不過,他亦指天文觀星最重要是「放手」讓小朋友用望遠鏡慢慢發掘,「個細路仔鍾意定唔鍾意,佢自己會表現到出嚟,佢鍾意嘅話,就可以放手畀多啲空間畀佢哋探索。」
不論是一支望遠鏡,或是參加一次天文體驗活動,Savio希望有更多人關注天文和大自然的變化,從而進一步探索和思考,「希望有更多嘅家長去鼓勵小朋友,去接觸多啲大自然同天文方面嘅嘢,因為呢個係可以玩成世嘅一個愛好,同不斷尋求嘅學問。同時對成年人嚟講,呢個係一個好好嘅工餘消閑嘅節目,係好大樂趣嘅。」
醉心研究天文知識,好學不倦。
【每月一次觀星實習 大人細路喜好不同】
除了現有的教育服務,科研社每月還會舉辦一次觀星實習,讓天文愛好者可以彼此交流並相互學習。
Savio指出,觀星活動的確老少咸宜,但對於小朋友和成年人也需要不同的引導方式,「小朋友就要畀個空間去感受星空,佢鍾唔鍾意就由佢決定;而成年人最重要係話畀佢知點樣用好支望遠鏡,令到佢哋發揮對天文嘅興趣。」
裝備十足,看星必備!
科研社每月一次觀星實習。
新界人家
沙田
專訪
生活
學習
科技