(沙田)跨障礙的Call 無障礙的哥

疫情下，傷殘人士減少到醫院覆診，一眾無障礙的士司機直言「無Order」，元老級司機陳嘉聰卻堅守「街上總要有一架鑽的」的心態，寧願做多些街客幫補，也要OnCall優先接載輪椅乘客。

＃嘉聰：好多司機見到輪椅就踩油走！

為輪椅客 疫流覆診候命

「好景時日均八單預約，近期得一半，夜間司機的街客生意亦跌八成，打擊是公司從未遇過。」社企「鑽的」在社交媒體分享近況道。

2010年成立的「鑽的」，開拓無障礙的士服務，招募一班有心司機接載輪椅乘客，創辦人當時到職業訓練局開辦「優質的士司機訓練課程」，當中一位畢業生正是以下要介紹的資深「鑽的」司機陳嘉聰。

#太太覺得我做鑽的之後，人開朗咗好多！

陳嘉聰成為司機前，從事酒吧行業20多年，他直言厭倦生活日夜顛倒，身體漸漸出現不同毛病，加上剛剛結婚，需要多花時間陪伴家人，因此決心轉職做司機。

他憶述當時接受訓練期間，受「鑽的」創辦人Doris的分享感染，樂意加入「鑽的」，認為得到一份工作之餘，亦可負起社會責任。

「比起其他的士，做鑽的一定更加辛苦同賺得少，試想想，我剛從大圍屋邨到上面的仁安醫院，路程很短，收費不高，但每次上落要花5至10分鐘安頓好輪椅乘客，然後可能下一單又要到新界比較偏遠地區，途中又難順路接載其他乘客。」

「鑽的」的車種靠電油驅動，油費比石油氣的士高出三、四倍，屬於自僱模式的嘉聰需要承受高昂的營運成本，嘉聰卻不介意「打兩份工」，日間打理小餐廳，開夜更來接載晚上需要外出的輪椅乘客。

他表示，其他司機周末和公眾假期放假時，他也堅持開工做特更，「我唔想乘客預約唔到的士，出唔到街，希望車隊每天最少有一部車行駛。」他透露最艱難時，曾試過一個月扣除租金及油費等開支後，只剩下兩千蚊落袋，幾乎等於「白做」，但幸得太太的認同，令自己相信這是值得堅守的崗位。

他說，能夠服務社會最快樂。

【講心唔講金 人情最強燃料】

「我唔敢講話係偉大，但工作有種責任，自己都活得開心啲！」嘉聰與傳統的士司機相比，工時雖長，盈利雖少，人情卻成為他的最強燃料，驅使他視為「終身職業」。

＃感謝太太一直支持。

#好多的士司機，見到輪椅就踩油走！

嘉聰揚言較年長的乘客喜歡在車程上閒聊，他樂於傾聽，當他得悉當日的行程別具意義，更感滿足。「有個90幾歲老婆婆話呢程車，係載佢去見一班兒孫，為佢係酒樓慶生，佢話已經好耐無得出街，因為推輪椅好麻煩。」

「唔好打算賺錢多過出面嘅的士，但你賺到嘅係錢都買唔到嘅。」嘉聰鼓勵更多熱心司機，加入無障礙的士服務行列，服務社會。

唔係個個位置都適合上落輪椅。