(沙田)22蚊兩餸飯盒 盼為老人家帶溫飽

香港人「無飯」不歡，即食餸菜於疫情下成為不少家庭的必需品。一間位於顯徑街市熟食區的兩餸飯專門店，以家庭式經營，主打「平靚正」益街坊！

大圍顯徑邨今年剛完成翻新街市工程，不少熟食檔進駐這擁有超過30年歷史的公共屋邨，其中一檔是主打售賣兩餸外賣飯盒的「盆滿缽滿」。「我哋開喺顯徑同美林兩個街市裡，主要就近老人家可以買到新鮮飯餸。」

# 老闆Sam：「即日新鮮整，唔好留過夜呀！」

#「想更加貼地俾佢哋多啲機會食到。」

老闆鄧以鋒（Sam）煮盆菜出身，曾在元朗區經營大排檔，約五年前轉型為盆菜工場，大時大節常為社區內的老人院舍贈送免費盆菜。

「接觸多了老人家，佢哋好鍾意我哋嘅食物，想更加貼地俾佢哋多啲機會食得到！」帶著回饋社會的心意，Sam去年決定落戶大圍，開設兩餸飯外賣店，以$22盒廉價兩餸飯為老人家帶來一頓飽餐選擇。

因此，炮製的都是一般家常便飯菜式，包括薑蔥魚腩、鮮茄豬扒、咕嚕琵琶豆腐、枝竹蘿蔔……切合老友記日常口味。

老友記用 $22食到人情味濃郁的兩餸飯。

「盆滿缽滿」以家庭式作業經營，Sam的太太在屯門的盆菜工場打點，舅仔則幫忙在大圍店煮餸菜，他直言經營街坊生意賺不了多少，同時滿足家人們都擁有共同理念，親切對待一眾長者食客。

沒有老字號品牌的先天優勢，Sam與家人們卻用心與街坊互動，希望融入大圍社區，「款式日日唔同，但熟客想食乜，落去同大廚講定，我哋就安排啦！」

做好本份，服務大家，共同迎戰疫潮。

#「平平地都一樣可以食到好味！」

Sam笑言：「咪以為平價飯盒就是『頹』飯，我哋煮得俾老人家，都係即日新鮮整，唔會留過夜，都係足料份量，但唔會過量，因為唔想佢哋留做隔夜餸！」

即食餸菜受街坊歡迎。

【回饋社會 兩餸飯贈醫護】

問到為何不繼續經營堂食店鋪，Sam肯定地道出一句：「係香港開餐廳好困身，一來是租金貴，二來太多限制影響出品，做不到真正想做的平靚正！」

以回饋社會作為餐廳的經營理念，Sam不僅僅關愛長者膳食，在嚴峻的疫情下，他選擇以愛心飯菜答謝醫護人員。

Sam說：「唔少香港人為避疫都少咗出街，但我哋嘅醫護人員偏偏走在最前線，我哋決定只要手持香港公立醫院醫護職員證，都為佢送上免費飯盒，希望我哋少少嘅行動可以支持佢哋。」

支持前線醫護，店方送愛心兩餸飯。