社企餐廳 助弱勢社群搵工

上海街618，由百年唐樓活化成民生氣息濃厚的商場，位處其中的廚尊亦是身體殘障人士「翻新」的地方：「社會上好多人都排除（exclude）佢哋，而唔係融和（include），所以我哋希望提供適當幫助，令他們走出廚尊後，可以熟習新環境。」有學習障礙的Mable與Eric，就是其中兩位學員。

Eric ：「多謝啲同事、Peh Ti，教識我點整嘢食。」

在光猛、整潔的環境下，「我識得煮，又識得教，就做咗過嚟香港區嘅人選。」懂兩文三語的Peh Ti，娓娓道出加入廚尊近兩年的感受。曾任新加坡酒店培訓、特殊教育學校導師的她擁有豐富教學經驗：「學得慢唔係錯，每個人學習能力都同，」、「佢哋好肯學、肯做，你解釋背後要做原因，佢哋好樂意去做。」

身為香港區營運經理，日常監督工作令她成為眾人「阿媽」：「初時教整嘢食，宜家做埋『傳話人』，好似負責叻沙檔嘅呀Sam，佢比較靜、內向，有時佢唔知點同Eric解釋，我就會幫佢教。」說時遲，就聽到一位學員在不遠處打趣：「等我話俾呀媽知！」Peh Ti聽聞莞爾一笑。

有Steven（上）陪伴烹調湯底，Eric（下）樂在其中。

Mable：「每月生日會好開心。」

在社工介紹下，Mable加入廚尊近一年：「好開心識多咗朋友，講嘢都多咗。」文靜的女孩聊開了，也由初見時的靦腆變得勇於搭話、回應。「好多謝之前嘅導師Sandy，教識我整甜品同衛生知識。」廚尊的生活多姿多采，Mable笑：「每月一次嘅生日會都好開心。」蛋糕、學員喜歡的小食如批薩、炸雞等亦會出現於桌上。「有啲熟客大時大節，都會問我哋啲學員鍾意食咩，會請佢哋食。」PehTi補充。

Mable 擅長製作慢煎糕、摩摩喳喳、咖央多士等。

Peh Ti：「煮湯就好似人生咁」

另一位學員Eric則在網上得知廚尊招聘，在社工轉介下來到面試：「我係2020年11月開始喺度做。」PehTi鼓勵他們多嘗試與人溝通，看見Eric變得越來越健談，不時徵詢點吃叻沙的客人意見：「會問下佢哋覺得好唔好味，有冇咩需要改善。」得到客人的回應和肯定，是他們最大的強心針。

雖然Mable和Eric有自己專屬位置，但每位學員都有機會擔任樓面、清潔等工作：「除咗有時人手臨時調動，都希望佢哋學多少少其他嘢。」當日適逢Eric煮叻沙湯，Peh Ti說：「煮湯就好似人生咁，有啲渣黐咗喺鍋邊，但你唔可以唔理佢只係集中啲湯度；人生都係一樣，你唔可以只顧其中一大部分，但就唔理身邊其他事物。」

【互助互愛 教學相長】

社企香港廚尊在2019年成立，與其新加坡母公司一樣，藉美食概念，為身體殘障人士提供多元就業平台，讓他們可以學習工作技能，使能力較差的弱勢社群回復尊嚴、勇敢堅強地生活，並貢獻社會。

Peh Ti表示致力協助學員建立正確價值觀，廚尊裡眾人互助互愛，場內常聽到「我幫你！」PehTi眼泛淚光地感觸表示，學員們才是她的學習對象：「有時佢哋知我攰、唔舒服，會叫我唞下；知我肚餓，或有好食嘅嘢，會分享俾我。」

「阿媽」Peh Ti 專注教導每位仔仔女女。

自動煮食器材協助完成常規煮麵程序。

廚尊的母公司位於新加坡。