踏實單轆出自信 互動社區不惜腳力

香海正覺蓮社佛教陳式宏學校的單輪車隊，早前獲邀參與社區佛誕慶典，學生除了參與熱鬧巡遊，亦親身體驗浴佛儀式。「單輪車唔止係運動，更係連繫學生同社區嘅橋樑，」校長方子蘅表示。

「單輪車更係連繫學生同社區嘅橋樑。」——方子蘅校長

培養團體精神 同步成長

相比起傳統的派物資或探訪活動，她更希望學生能以主動、持續的方式參與社區。「當學生踩住單輪車出場，嗰種『我做到』嘅自信，係由內而外發出嚟。佢哋感受到自己有一種特別能力，係可以帶到歡樂同感動俾社區。」

負責訓練的林老師認為，單輪車的學習過程本身就包含合作與成長。「唔係一個人可以完成，學生要互相扶持、拉扯，係跌跌撞撞中一齊進步。呢種互相支持，其實就係人與人之間最美嘅學習，亦係我哋校訓『多元經歷創未來』的精神。」

參與佛誕慶典，一眾「車手」好開心。

到社區共融足球賽嘉年華表演。

訪安老院 大型平台表演

陳式宏學校位於上水一個屋苑社區內，地理上與社區緊密相連。學生練習單輪車時，不時會吸引街坊駐足欣賞，林老師說：「有啲仲變咗粉絲，天橋上面見到佢哋都會叫：『勁啊！』」這些來自社區的鼓勵與肯定，為學生注入力量，也讓他們明白，原來自己有能力觸動他人。

方校長指出，單輪車隊多年來曾應邀到老人院、社區平台演出，亦參與過禁毒、閱讀宣傳等活動。她強調，這些活動唔單止係為表演而表演，而係學生與社區不同世代互動的機會。「學生可以從中了解社區的需要，社區亦能透過佢哋，感受到年輕人嘅熱情與堅持。我哋一直相信，『社區在學校，學校在社區』，彼此係互為命脈。」

大型禁毒宣傳活動上，落力演出。