用心看社區 AI眼鏡助聽障者出行

上一期《我家》曾報道有學生為聽障人士研發「無聲警鐘」，回應家居安全需要；今期，來自北區的學生，則把目光放到城市出行，以科技回應聽障人士外出的實際風險。

聽不到的資訊 變視覺提示

東華三院李嘉誠中學位於北區，學生每日穿梭於屋邨與馬路之間。林珊珊、賴卓瑋、張泳桐及陳錦橋，正是在這樣的生活環境中，留意到聽障人士外出時的潛在危險，並設計出智能穿戴裝置「無聲者助理」——一副結合AI攝影機、AI麥克風及AR顯示鏡片的運動型騎行眼鏡，將聽不到的資訊轉化為視覺提示。

作品代表學生走進社區的學習過程。

「一般人踩單車，會聽到附近有車聲，就會自然望一望、避一避；但如果你係聽障人士，其實係冇辦法透過聲音獲得第一時間嘅認知。」賴卓瑋說。

由研究、設計到測試，歷時近一年。

資源有限 能力可補不足

在資料蒐集過程中，團隊發現一個令他們印象深刻的畫面——「有啲聽障人士踩單車時，會放一個人坐喺後座，做佢哋嘅耳朵。」林珊珊指出。學生亦曾親身接觸聽障人士，「我哋推門入去，其實嗰位聽障人士係感覺唔到我哋入嚟，如果你唔拍佢，佢係唔知道你存在。」她說，這次經驗令他們明白，設計不能只停留在想像。

「學生能力有限嘅地方往往只係資源，但唔代表我哋真係冇能力。」陳錦橋認為，只要願意留意社區的需要，用很小的能力，也能回應被忽略的問題。「如果我哋嘅設計，可以令一個人安心啲出街，已經好值得。」賴卓瑋補充

團隊把課堂所學，轉化為回應社會需要的實作。

（左起：賴卓瑋、林珊珊、張泳桐、陳錦橋）