沉浸沉香男 盼貢獻HK文化煙火氣

在葵芳的工作室裡，香藝師鄧皓荃（Aaron）每天與香粉為伴，打料、試香、包裝，每一道工序都親力親為。這門看似優雅的工藝背後，有大量體力與時間的積累。「香藝師有時都好似水泥師傅，日日做得滿身香粉，但我鍾意，因為我覺得自己係做緊一樣對香港有意義嘅事。」他笑說。

希望香再次成為香港手信，等香港繼續馨香，繼續成為真正嘅『有香之港』。

中四志蓮聞沉香開啟「旅程」

//嗰陣真係眼發光！//

Aaron的尋香之旅始於中四。那年，他在志蓮淨苑附近偶然聞到一縷沉香，一聞難忘。「嗰陣真係眼發光！」他憶述。那一刻起，他走上了尋香之路，街市、藥材舖、香店——無論貴或平，都試過。他坦言，起初家人頗為擔心，怕燒香的煙影響健康，又怕發生火警。「我都幾硬頸，屋企人見阻止唔到我，最後索性買個香爐畀我，又陪我去買靚啲嘅香，至少安全啲。」

買香買得多，他開始想：「不如自己整。」他靠自學，上網找資料，到藥材舖買原料，回家打粉、篩粉、試配方，全靠「試錯法（trial and error）」反覆摸索。半年後，他終於成功製作出第一支香。「我中意煮印度咖喱，整香對我嚟講差唔多，一樣都係玩配料、玩比例。」他笑說。

香港香，連鬼佬都讚好。

20多歲創港香堂推廣香藝

//從宋朝開始，香港已經係出口沉香嘅港口。//

二十多歲時，Aaron創立了「港香堂」，希望透過教學與推廣，讓香藝重新走進香港人的日常生活。他教授製作竹簽香、綫香等製香技巧，亦設計了練香、聞香、香席體驗等課程，讓香重新融入日常生活，不再局限於拜神或節日儀式。

「香港叫做香港，係因為從宋朝開始，呢度已經係出口沉香嘅港口，去到四十至七十年代，香港更加係華僑主要用香嘅生產地。」Aaron說，「香」唔單止係氣味，更深植於我哋城市嘅名字同文化之中。

藉教學與推廣，令香藝不再局限於拜神或節日儀式。

讓大家重新連結被忽略的文化

//願望係香港人重新撐番香港香，搵返自己文化嘅根。//

身為香港人，Aaron對此有一份堅持：「如果連自己文化都唔識，點樣叫做香港人？」他希望以香為媒，讓大家重新連結這份被忽略的本土文化。「我嘅願望其實好簡單，就係香港人可以重新撐番香港香，搵返自己文化嘅根。希望香可以再次成為香港手信，等香港繼續馨香，繼續成為真正嘅『有香之港』。」

透過多元渠道，分享香文化的美好。

//哋都可以用一支香，為自己嘅生活添一點靜氣。//

宗教情懷神人共樂 亦入文人四事添靜氣

講起「香」，不少人第一時間都會聯想到迷信、拜神，甚至覺得老土。Aaron坦言，這些觀念源於長期的誤解。「其實傳統香料係藥材，有殺菌、防疫、防蟲功能。」他指出，真正的香，應該是自用也開心的。「以前香舖會寫『神人共樂』，即係你點嘅香唔止係畀神明，而係自己都會享受。香應該有溫度、有意思。」他希望大家可以放下成見，重新認識香嘅本質。

Aaron引用古人所說的「文人四事」——焚香、插花、點茶、掛畫，當中的焚香，在過去文人的生活中一直有重要地位。「其實今日我哋都可以用一支香，為自己嘅生活添一點靜氣，感受下古人點解會珍惜呢種文化。」

平靜愉快止痛殺菌 不同的香各有作用

對Aaron而言，香遠不止是一種氣味，更是一種心靈支撐。「中學時我溫書壓力大，就靠點香令自己放鬆。」他慢慢發現唔同香有唔同作用——沉香令人平靜、檀香令人愉快、乳香止痛、沒藥殺菌，於是他開始研發功能性香品，包括「森之香」、「活樂香」、「瑞德香（即睡得香）」，希望香可以再次走進生活，療癒身心。

研發功能性香品，如「森之香」、「活樂香」、「瑞德香（睡得香）」，讓香氣療癒使用者身心。

【愛的呼喚】

文學傳統中有「香草美人」的寄託，如果香藝是個人，小編覺得Aaron說不定會擺出手勢，高唱「對你愛不完」呢。