陳洛志──識揀識配識食 打邊爐好無敵

香港人一到冬天就愛打邊爐，圍住熱辣辣的湯鍋，一邊食一邊傾計，確實開心又暖身。不過，不少人都會擔心：食多會否上火、腸胃頂得順否？中醫角度認為，火鍋本身並非不健康，重點在於「點揀、點配、點食」。蘇光耀醫師教大家只要掌握方法，冬天打邊爐可以養生，不止暖胃，更是暖心。

第一 揀啱底

麻辣湯較適合畏寒、手腳冰冷人士，但易生口瘡、暗瘡或便秘者就要少食。清湯、雞湯或魚湯性質較溫和，適合大部分人；番茄、粟米南瓜湯偏中性，養胃又易入口。藥膳湯底有補氣作用，但燥熱體質切忌過補。

第二 平衡食材

牛肉、羊肉偏溫熱，畏寒者可適量；雞肉平和，老少皆宜；豬肉、鴨肉偏涼，脾胃虛寒人士不宜多食。海鮮多屬寒涼，煮時加薑片可減寒性。蔬菜如白菜、菠菜、冬瓜可清熱解膩；粟米、南瓜、山藥則健脾助消化。豆腐、腐竹提供植物蛋白，是火鍋中嘅養生好拍檔。進食次序建議「先菜後肉」。

第三 慎選醬料

沙茶、花生、芝麻醬雖香，但油鹽高。建議改用蒜蓉、薑蓉、少量豉油同芝麻油，加少許醋或檸檬汁，既解膩又助消化。

第四 食七分飽

火鍋最忌急食同過量。食物一定要煮熟，尤其肉類同海鮮；七分飽最理想，否則「胃不和則臥不安」，影響睡眠。