陳洛志──捱夜睇世盃 自設補「湯」時間

四年一次的世界盃開鑼，不少球迷已進入「深夜作戰」模式。由於賽事多在深夜至凌晨播放，球迷不免要連續捱夜，加上情緒緊張，並以啤酒、薯片、串燒、杯麵作消夜，很容易令身體「未踢決賽已先輸一半」。

從中醫角度看，捱夜最傷陰血，容易出現口乾、喉嚨痛、眼澀、心煩、身熱等「陰虛火旺」表現；若再加上油膩消夜，脾胃運化受阻，濕滯內停，便會腹脹、胃口差、大便爛、口淡黏膩。

想健康睇完整個世界盃，除了靠意志，亦要懂得照顧身體。建議球迷賽前避免太飽，消夜以清淡為主；咖啡、凍飲、煎炸食品不宜過量。觀賽後盡量補眠，翌日可做簡單伸展，幫助氣血運行。李海林中醫師推薦以下兩款簡易湯水，可按症狀選擇，助你睇得盡興，又能醒住返工。

【湯水推介】

淮山茯苓陳皮湯

材料：鮮淮山30g、茯苓15g、陳皮1瓣、生薏米20g、豬展250g、生薑3片

做法：豬展汆水；所有材料加水煲約1小時。

功效：健脾祛濕、理氣化滯。

適合：食消夜後腹脹、大便爛、口淡黏膩。

石斛麥冬瘦肉湯

材料：石斛15g、麥冬15g、杞子10g、瘦肉250g、蜜棗2粒

做法：瘦肉汆水；所有材料加水煲約1小時。

功效：養陰清熱、生津潤燥。

適合：捱夜後口乾、喉嚨痛、身熱煩躁。

如本身有長期病、懷孕或正服藥，飲用前宜先諮詢註冊中醫師。