(大埔北區)大埔花茶啡 三種減壓噏to you

King、Jackie夫婦和Min三人，均是土生土長的「大埔人」，基於對社區的熱愛，他們都希望工作可以扎根地區，充實自己並服務街坊。三人經過討論及調查，決意經營小生意，為一大眾大埔人帶來高性價比的餐飲和心意小品，於是創辦了Beauty and the Barista。

King & Jackie ：「我哋幫客人『心情UP 健康UP』！」

「我哋可能係其他人眼中嘅『傻仔』。做嘢近10年，拼搏到差唔多管理層level，先跳出嚟創業。」King兩夫婦指，近年經歷令他們思考真正追求的生活。「好想做人簡單啲開心啲；試下做鍾意嘅嘢同時幫到人，善意真誠待人。」

咖啡做主軸，淺焙為中心

對自己探索幸福嘅肯定。

店舖主打花、花草茶、精品咖啡﹕「賞花、整花有治癒效果﹔花草茶可減壓，令人輕鬆。我哋希望靠住佢嘅清香同功效，幫客人『心情UP！健康UP！』﹔嘆咖啡嘅香氣同味道，就係生活上嘅享受。」

身為三人中唯一的女生，King自小喜歡花藝與童話。Beauty and the Barista以童話為題，專營永生花花藝、全天然花草茶及本地烘焙咖啡﹔也提供訂製花品及回禮禮物。「我哋想喺困境中為大家帶嚟慰藉，亦係對自己探索幸福嘅肯定。」Jackie表示，雖然開店後有收入壓力，但他們依然會繼續遵循初心，追尋理想生活。

花草茶和咖啡系列，均設訂造掛耳包裝。

花品配搭係美學。

Beauty and the Barista花藝師將每個配色改名，「花品配搭係美學。每種顏色、花材嘅配搭出嚟千變萬化，可塑性好高，唔同時候睇有唔同感受。」三人亦推出掛耳包訂製服務：「自己結過婚、轉過工，知道表達心意嘅時間有好多。」客人可藉花品、花草茶或咖啡，送出祝福與感激。

至於童話故事，怎可缺少神奇魔法﹖「我哋嘅花草茶魔法系列，因應唔同花種嘅特性同功效，以原葉材料調配唔同效果配方，浸得耐唔苦仲令心情同健康UP！」Jackie亦是專業烘豆師，悉心研發烘焙，用心為客人做出一杯杯精品咖啡。

花品配搭自成美學，作品蘊藏豐富信息。

「永生花」可替客人製作打氣字眼。

不同香味 烘托童話主題

Beauty and the Barista的主題為店舖染上童話色彩。為讓更多人可於生活中找到專屬的小確幸，他們推出了品牌重點系列——Tales：以咖啡配合童話故事，選用單品咖啡做主軸，淺焙為中心，自家烘焙出不同花香、果香風味，由視覺到味覺帶大家回味一個個經典童話。

花主題配飾具治癒效果。

以日本永生花為材料，配合少女憧憬的童話角色為主題，運用獨有的配色，為每個角色設計出所屬的花藝擺設或配飾，相輔的咖啡亦然。Jackie稱，「每種咖啡都有佢哋自己嘅故事，經過烘焙之後，可以更加凸顯配對角色嘅個性。」

百分百人手製作，有百分百感覺。

大埔人嘆大埔啡，醒晒！