(大埔北區)毒海過來人 單車導賞緣

Terry於毒海浮沉十多年，年輕時與家人關係惡劣。內心亦曾經掙扎，想脫離、想改變，但有心無力，他最後在2010年主動向路德會求助。以意志克服引誘，重投校園生活完成社工學位，並成為We-Cycle訓練單車導賞員，樂助社區。

Terry ：「唔想再浪費生命，所以幫助人。」

推廣北區生態歷史文化

We-Cycle訓練單車導賞員，向公眾人士推廣北區生態歷史景觀及文化特色，又讓單車導賞員分享戒毒經歷，勇於面對自己不為人知的過去，亦藉此撕走大眾對戒毒人士的負面標籤。

此外，單車導賞員需要參加義工訓練，踩單車到偏遠地區為長者義務剪髮，讓戒毒者回饋社會，重過新生。脫離毒海後，成為單車導賞員的Terry坦言：「以pf前嘅生活好頹廢，嚟到嗰陣覺得好多嘢學，歷史、急救、體適能等等，都想學番一技之長，嘗試認真努力投入。」不過他指自己初時也不是好學員，雖然有心改變，奈何意志未夠堅定，依然掙扎於吸食與戒毒之間。

帶團推廣生態景觀。

We-Cycle 導賞員都是戒毒過來人或家屬。

30歲讀書憂與同學有代溝

人生已過近40載，頓覺欠缺意義，「30歲後突然覺得時間過得飛快，就想為自己做番啲嘢。」後來，他以學生身份報讀兩年的毅進課程，笑言需要厚面皮，但更需要勇氣：「去報名嗰陣，啲老師叫﹕『同學，可以過嚟填一填資料』，我過去電腦面前準備填嘅時候，個老師再講：『其實可以叫埋個同學過嚟填喎』，『Er…...我就係嗰個同學』。」由開學時各種憂慮，「話晒冇讀書咁多年，又同周圍嘅同學隔咗唔知幾多個代溝，驚相處唔嚟。」

後來，順其自然，反而令自己更放鬆，重新投入校園及學習生活，更讓他考上社工高級文憑課程。

完成社工學位後，過來人希望以生命影響生命。

盡力試咗，唔得再算

期間，他見不少考上高級文憑的同學放棄，「唔辛苦就假喇，中間都有諗過放棄。始終咁耐冇讀書，又咁多年，記憶力受到影響唔講，心態都係一個問題。」幸得身邊同學勉勵，以「盡力試咗，唔得再算」的心態，以40多歲之齡堅持至今順利完成學位。

「但又想為自己做番啲嘢，同埋都覺有啲唔好意思，都想為機構做番啲嘢。」羞愧，自覺一事無成，反而激勵他自我承諾，即使預料重回校園的吃力，仍繼續堅持，只為向自己、向身邊一直支持的人證明，Terry也可活出自己的意義。

導賞北區歷史文化。

戒毒人士
總有你鼓勵

為報答路德會十多年對他的幫助，Terry參與路德會We-Cycle計劃，他自嘲﹕「雖然之前嗰30幾年已經渾渾噩噩咁過咗，唔想浪費落去。」老套一句：「希望以生命影響生命。」

推敲分享細節拉近聽眾距離

現時身為We-Cycle義工，他著重分享上的細節，希望給聽講者「感同身受」的理解，而非「置身事外」的感覺：「始終我已經完成咗我嘅歷程，對於仲經歷緊嘅朋友可能覺得我哋已經『上晒神枱』，講得好輕鬆。」Terry表示，以過來人的身份服務也不容易，仍要學習如何傳遞正面、支持的信息，成為戒毒人士的同行者。