(荃灣葵青離島)抗疫先鋒 On Call每個小時

抗疫關鍵時刻，危機處處，社區內仍有不少人願意迎難而上，並抱著「大我」精神，視街坊事如家事，向每家每戶送暖意。葵青區的兩位抗疫先鋒，日以繼夜「On call」做社區守護者。

幾夜都好，唔想Miss咗任何訊息。

年輕社區工作者黃啟進（Matthew）從二月尾開始，每日無間斷規劃派送物資路線，務必盡力完成每日的派送點，盡早將物資送到確診家庭門外。「幾夜都好，我都會繼續同街坊聯絡，唔想Miss咗任何訊息。」

Matthew的所屬區域位於荃灣郊區（青龍頭及深井），每次替居民採購物資，都需要搭車來回荃灣市中心，「郊區呢邊少貨量，我唔介意辛苦少少，出去托多幾轉貨，買定啲嘢可以畀街坊用得著。」

Matthew ：「預咗衝鋒陷陣，幫得一戶得一戶。」

衝鋒陷陣前，小心奕奕安排物資。

身為年輕人，不需要顧慮太多。

談及印象深刻的事，Matthew說有一次一位單親醫護媽媽確診，聲沙沙地錄音求助，他當時隨即幫忙購買物資，並協助提取快遞後再送上門。其後，該名單親媽媽傳來訊息：「所有官方途徑都聯絡唔到，好感激呢個時候幫咗我，之後我可以加入一起做義工嗎？」Matthew從未想過一件小事會帶來後續的影響力，故此更感無悔付出。

「身為年輕人，不需要顧慮太多，我不是長者，也不是小朋友，一日未染疫，預咗衝鋒陷陣，幫得一戶得一戶。」Matthew揚言年輕人應有的拼搏精神，就是不要太計較，要「抵得諗」。

Matthew 全副裝備上陣協助檢測工作。

為居民派送物資。

有居民屋企甚至連一粒米都無晒。

服務葵盛區多年的伍志華（華哥），接觸大部份都是基層家庭。他指出葵盛東西區屬老區，六成人口是50歲以上的長者，因此求助情況較急切，個案量亦相對繁重。

提及長者居民，他惋惜說：「其實早兩日，有兩個70多歲義工，因為太遲送到醫院，引發併發症中風離世，收到唔好嘅消息，一度未能夠平復。」

「有居民屋企甚至連一粒米都無晒，睇病難、買嘢難、落街難，莫講話藥物。」第五波疫情的高峰期，華哥有幾日連夜留守辦公室處理求助，主力為居民送上食糧：「一定要清晒啲個案，佢哋唔可以餓死，自己屋企嘅食物都攞埋去。」

華哥：「收到唔好嘅消息，一度未能夠平復。」

向街坊發放溫韾提示。

太太都叫我出去幫咗街坊先。

華哥對今次的疫情感慨萬分，形容是12年社區工作生涯中從未遇過的巨大挑戰，一來需要應付超過400戶確診家庭，二來亦因為團隊相繼確診而出現人手短缺。

說到此，華哥不禁講出最煎熬的時刻，是懷有身孕的太太與助理同期確診，自己需要繼續堅守崗位而無法陪伴左右，「其實，我係應該留喺屋企照顧佢，但太太都叫我出去幫咗街坊先。」他感恩有家人的諒解，讓他放開懷抱繼續盡社會責任，為社區出力。

華哥為基層戶撲物資，獨行送上門。