(西貢)科大校友拍住上 研製調雞尾酒機

隨著防疫措施逐一取消，本地經濟及社會活動循序復常，當中不同規模的活動也開始活躍。XOXO BEVERAGES聯合創辦人邱善德（Peter）於疫情期間未有停下來，研製新式的自動化雞尾酒調酒機，不但為客人帶來新穎的雞尾酒體驗，更想以調酒為客人調劑多年疫情陰霾下的心靈。

//Peter：雖然咩都要自己搞，但實現到我哋嘅計劃都好有成功感。//

Peter2018年畢業於科大機械工程，與拍檔屬校友。二人在閒餘時間學調酒﹕「學咗先知工序繁複，每次調完就洗一次調酒杯。如果調幾杯，就是不停重複洗。」百行百業中，餐飲業屬辛苦，以致長期人手短缺﹕「普通餐廳落單、上菜講速度，最好做多幾轉客﹔宴會工作量更是加倍。」

調酒機在創業賽獲得銀獎。

起點是在家用3D打印機研究

Peter希望將繁複工序自動化，「唔單止提高效率滿足到老闆，亦減輕伙計工作量，將人力資源分配到其他環節。」加上二人見聘請專業調酒師所費不菲，Peter又有設計工作經驗，於是二人構想研發自動化調酒機。

XOXO BEVERAGES創立前，在元朗村屋居所用3D打印機做初步研究﹕「始終研究同居家同一地方唔太方便，都想有個好啲嘅專屬地方辦公、研究。」終在一年後成立公司，並在去年獲政府資助，將辦公室搬到科學園、調酒機推出市場的計劃亦提上日程。

混合飲料調劑疫後心靈。

//馬拉松式一直沖嘅話，3個鐘可提供大約400杯雞尾酒。//

Peter稱，調酒機利用機械旋轉模擬出調酒師手搖的效果﹕「內置醫學用泵管精準控制調配份量，加上漩渦混合模式均勻攪拌雞尾酒，配合急凍系統控制溫度同溶水量，就可做到。」傳統調酒服務中，一般配備3名調酒師和3名輔助人員，而調酒機只需一名輔助操作員，將酒瓶倒插於相應位置，便可以10款酒作基調調出不同的雞尾酒。

現時公司主打宴會、公司活動及婚宴等宴會型活動﹕「一部XO1可提供4至5款雞尾酒，而每杯製作時間約40秒，同人手調酒差唔多，但就可以用埋洗杯嘅時間沖多杯」，減省人手同時提高沖調效率﹕「以馬拉松式一直沖嘅話，3個鐘可以無間斷提供大約總共400杯雞尾酒。」

主打公司宴會及婚禮，各適其「色」。

每杯製作時間約40秒。

【工字不出頭 創業好自由？】

XO1調酒機在「科大-信和百萬獎金創業大賽2022」奪得銀獎，「唔好睇而家好多嘢都上晒軌道，其實仲有好多挑戰。」Peter表示﹕「首先調酒機係一手包辦，設計、評估、改善都自己做﹔其次搵投資者支持研發、產品同公司嘅發展，都需要我哋自己訂立目標，然後實行。」

適不逢時，疫情期間所有活動大受影響。他說：「隨住防疫措施逐步取消，遊客數量回升，所以都仲係有得做嘅。」

問及「做老細」還是「做打工仔」好，Peter笑言﹕「打工輕鬆好多啊，大家分晒工，每人負責啲項目一小部分咁」，但直言不悔﹕「雖然咩都要自己搞，但實現到我哋嘅計劃都好有成功感。」他更風趣的指，現時完成手上的工作便可「收工」，無需「扮工」。

如果試酒係任務，好少人會「扮工」。

調酒機只需一名操作員就可開工。