抗疫眾生相 匯聚成「千奇百趣」

全球爆發前所未有的嚴峻疫情，各地民眾發揮小宇宙，在保持適當社交距離的同時苦中作樂，抗疫眾生相匯聚成「千奇百趣」！你又睇過未？

1. 意大利實施全國封城期間，民眾「酒癮起」，走到露台利用竹枝托住酒杯，與鄰居來個隔空碰杯，創意十足！

2. 日本設計師自製浮誇「拉麵口罩」，造型超立體，熱辣辣拉麵更令眼鏡起霧！

3. 疫情下香港現搶購潮，一眾師奶戰鬥力爆燈，在超市上演《男兒當入樽》的經典搶籃板場面！

4. 德國Burger King推出「183cm巨大皇冠」，買完漢堡包有足夠社交距離安心享用快餐，這件法寶真有型！

5. 日本美女改造胸圍罩杯，做成蕾絲口罩，性感抗疫就係咁容易！（千祈咪學）

6. 疫情下無得抱抱？唔怕！隔住膠袋就得啦，有愛之餘仲有十足安全感！

7. 飛機上最強防疫裝備，就係自製透明帳幕，似足太空人上月球執行任務！

8. “Chicken with pasta or fish with rice?”以往上機一定聽到的對白，疫情當前只能改為「手指指」了！

9. 去完街市買菜，第一時間梗係將戰利品拋入浴缸浸個浴，細菌通通走！

10. 疫情下髮型師自救，唯有DIY隔離工具剪髮，一把縮骨遮搞掂！

11. 香港公佈禁堂食令期間，有司機打開車尾箱開餐，香港人能屈能伸！（首先你要有架車）

12. 享受陽光無難度！紐約市公園在草地上畫好一個個圓圈，唔好踩界呀！

13. 香港不愧為金融國際中心，連銀紙都要經過「專業」消毒、晾乾！

14. 當你搭港鐵，遇上這位高度戒備級別仁兄，都唔知笑好定讚好！

15. 食飯不孤單，可愛熊貓坐對面與你進餐！