斜槓女寵愛凝視 你是如此鸚明神鵡

「Hello。」聲音從客廳傳來，卻不是人說的。餵食時會聽到一句「多謝」，牠有時會低頭，等人替牠抓癢，有人經過會停下來與牠說話，這些細碎互動，慢慢滲入日常。對Yoyo Chow而言，這隻名為「芭芭雞」的非洲灰鸚鵡，不只是寵物，而是一段改變她人生方向的關係。

鸚鵡同狗仔 都 唔 係 差好遠，都會好黐人、會跟住你。

原反對養鸚鵡 後日久生情

「我以前係見到麻雀都會兜路行，或者嗰啲大鴿，我都會驚，會避開佢哋，所以我係完全唔鍾意雀仔。」當年家人提出養鸚鵡，她是最反對的一個。「我係極力反對嗰個，覺得點解要喺屋企養一隻會飛、又會咬人嘅動物。」

「有一日佢哋突然話，不如去旺角『雀仔街』睇下。」她說，「點知我去到嘅時候，佢哋已經好快手買咗一隻鸚鵡。」最初，她連觸碰都不敢。「我覺得佢啲羽毛、個嘴嗰啲所有嘢都好恐怖，一開頭我都唔敢掂佢。」

轉變，就由日常開始。「見到自己開始餵佢食嘢，就覺得原來佢又冇想像中咁恐怖，好似都幾得意。之後愈玩就愈鍾意，真係有啲『日久生情』。」Yoyo亦慢慢發現，鸚鵡其實並不如想像中難以親近。「我屋企以前有養過狗仔，但原來鸚鵡同狗仔都唔係差好遠，都會好黐人、會跟住你。」

創立插畫品牌「雞雞家族」

這些相處，逐漸變成創作的素材。Yoyo原本從事設計工作，生活穩定。「其實一路都有畫畫，但冇諗過會變成一個主要方向。」她說。直到與芭芭雞相處的時間愈來愈多，日常細節開始被轉化成角色與畫面。她其後創立插畫品牌「雞雞家族」，把芭芭雞的性格、動作，甚至發脾氣的樣子變成創作的一部分。

2025年，她辭去全職。轉為Slasher，嘗試以插畫作為主要方向。「其實都唔係好有信心，但會覺得，如果而家唔試，之後可能就唔會再試。」與芭芭雞相處的過程，也讓她重新思考自己。「我以前好介意人哋點睇我，但鸚鵡唔會理，你鬧佢都好，佢都照做自己。」相比起迎合他人，她開始學習專注於自己的選擇。

與芭芭雞相處的日常，成為Yoyo創作與生活的一部分。

品牌「雞雞家族」有周邊產品。

【飲食習慣】

瓜子高油分 不宜作主食

近年在公園、市集，甚至商場活動中，愈來愈容易見到鸚鵡的身影。見得多以為熟悉，其實坊間仍有誤解。Yoyo指出，並非所有鸚鵡都會說話，不同品種差異很大，「灰鸚鵡會叻啲，但細型鸚鵡多數只會發聲或者吹口哨。」不少人因為覺得「會講嘢好得意」而開始飼養，卻未必清楚背後所需的時間與耐性。

在飲食方面，常見的餵瓜子習慣亦未必恰當。她解釋，瓜子屬高油分零食，不適合作主食，「佢哋其實有專門嘅鸚鵡糧，好似狗糧咁。」她亦提到，鸚鵡其實相當依賴與人的互動。「佢哋都會好黐人，會跟住你。」若長時間缺乏陪伴，狀態亦可能受影響。

不少飼主習慣以「雞」作為對鸚鵡的暱稱，「芭芭雞」這個名字亦是由此而來。

【美好回憶】

首次開口 BB音令人難忘

與芭芭雞相處十年，Yoyo最深刻的是牠第一次開口說話。「如果冇記錯，佢第一句識講應該係『Hello』，而且嗰陣個音係好BB音，同而家學講嘢嗰個音有少少唔同。」她回憶，當時是她第一次親眼見到鸚鵡模仿人類語言，「仲要係學我哋講嘢，即刻就覺得好神奇。」

不過，牠亦是名副其實的「破壞王」。Yoyo記得，有一次家人出門前未有關好籠門，「我起身嘅時候，發現佢唔喺個籠入面。」其後在廚房找到牠。「佢最中意搞破壞嘅地方其中一個就係廚房，因為有好多嘢可以咬。」當她走進去，只聞到一陣薑味——整塊薑已被刨碎，枱面滿佈薑渣。雖然場面狼狽，但這些日常的小插曲，亦讓家人多了共同話題。

每次帶芭芭雞出門，Yoyo準備腳架和木頭讓牠「站穩陣腳」。