凳凳凳凳凳凳登場 插畫家繪本思親

一張凳，可以盛載幾多回憶？在繪本創作家Zero的作品《Moments in Chairs》中，BB椅、鋼琴凳、課室椅、畫家的椅子、公園長凳，以至老人搖椅，六張椅子串起人生不同階段。當中她最喜歡的，是最後一頁—嫲嫲坐在搖椅上，對面卻留着一張空凳。

「嗰一頁我畫緊我嫲嫲，對面嗰張空凳，就係代表已經過身嘅爺爺。」

嗰一頁我畫緊 我 嫲 嫲 ， 對面嗰張空凳，就係代表已經過身嘅爺爺。

Zero說，椅子即使空了，回憶卻不會一同消失。「有啲凳可能而家空咗，但件物件留低，你會知道佢係屬於嗰個人，係一份你對佢嘅思念。」看似尋常的一張凳，在她筆下，原來也可以裝下一生。

從幼稚園課室走進繪本世界

成為插畫家以前，Zero是一名幼稚園老師。每天與孩子、故事和圖畫相處，卻不是她愛上繪本的唯一原因。「我唔完全係因為做老師，要講故事畀小朋友聽先鍾意繪本，我自己本身都好鍾意睇。」自小喜歡畫畫的她，一直藏着一個念頭：「一個鍾意畫畫嘅人，可以出到一本自己嘅繪本，都係一個小小嘅夢想。」

疫情期間學校停課，工作節奏慢下來，她報讀繪本課程，終於把這個「小小夢想」變成作品，先後創作《媽媽，我想要的是…》及無字繪本《鋼管上的舞蹈家》。前者的靈感，來自她的媽媽。當時媽媽在老人院任護士，疫情期間仍要站在前線工作。「我媽咪會同我講佢嘅經歷，我聽完之後有感動，先會想寫呢一本書。」Zero於是換上孩子的視角，想像一個小朋友每天在家等待任職醫護的媽媽回來，如何理解擔心、分離和愛。

離開幼稚園工作後，搬到長洲，寫生時間多了不少。

為博洛尼亞兒童書展「香港館」駐場插畫師。

靈感源自日常生活感動的事

「我所有創作嘅靈感，都係生活入面有一件事令我有感動，我就會想將佢變成故事，再分享出去。」她坦言，如果一個題材連自己也沒有感覺，「其實我會比較難做好一個故事」。相比疫情下的牽掛，《鋼管上的舞蹈家》則是Zero一次很「任性」的創作——因為她自己喜歡跳鋼管舞，所以便畫。

「我當時真係純粹因為自己好鍾意呢個題材，想畫，我就畫咗出嚟。」沒有文字，舞者從現實中的舞室出發，穿越街道、沙灘、海底甚至太空，在一個又一個幻想場景起舞。「我覺得唔需要文字都交代得到。我想透過畫面嘅張力，令讀者感受到對跳舞、對追尋夢想嗰份熱情。」

作品後來獲「香港繪本賞」，更意外成為她最受讀者歡迎的作品之一。

書末，她找來不同鋼管舞者分享經歷，有人11歲開始學，有人到60歲才踏出第一步，也有男舞者。「我想講，其實無論性別、年齡、地方，都冇限制。只要你想去做，就去做。」

《鋼管上的舞蹈家》則是Zero一次很「任性」的創作——因為她自己喜歡跳鋼管舞，所以便畫。

對不同年齡讀者有不同期望

《Moments in Chairs》的念頭，同樣由一次生活觀察開始。Zero留意到香港街頭偶爾會出現居民自己擺放的椅子，「唔係政府本身擺喺度嗰啲長凳，而係有人自己搬張凳出嚟坐。我見到就覺得好得意，會諗：究竟邊個坐過？又係邊個擺喺度？」

她慢慢發現，人一生其實坐過無數張凳。「甚至而家我同你做緊訪問，我都係坐住一張凳。唔同嘅凳，喺唔同人生階段，其實都有唔同意義。」早前她在書展帶工作坊，有小朋友看到書中的公園長凳，立即說：「我記得之前同爸爸去行山，行到好攰，我哋就坐喺度休息。」

這句說話令Zero很喜歡。「因為每個人坐過嗰張凳嘅經歷都唔一樣。同一幅畫，大家會用自己嘅生活經驗去理解，勾起自己嘅回憶。」對小朋友，她希望畫面足夠讓他們看懂；對大人，她更在意「共鳴」。「可能你見到中學嗰張凳，就諗返起自己讀書嘅時候；未到老人家嘅階段，見到老人搖椅，又可能諗起屋企嘅長輩。」

《Moments in Chairs》的創作念頭，由一次街頭觀察開始。

【長洲居民】

親近大自然 拓闊創作空間

離開幼稚園工作後，Zero搬到長洲。「我本身好鍾意海，又鍾意游水，就覺得住離島可以近啲大自然，亦有多啲創作空間。」現在她習慣袋裏放着簡單畫具，搭船可以畫，坐港鐵亦可以畫。「寫生其實係一種觀察，觀察呢個世界，有時亦都會成為靈感來源。」

//大自然常變，每月畫一幅，就可以記低變化。//

有一次，她在長洲看到一名爸爸踩單車，後座兩個小朋友擠在一起、互相抱着，最後一家人停在公園玩。那一幕沒有甚麼驚天動地，卻足以令她一直記住。家中窗外的一座山，她更決定每月畫一次。「大自然會變，會開花、會凋謝。我每個月畫一幅，就可以用畫記低佢嘅變化。」

2026年，Zero入選第三屆「《飛躍繪本》—香港繪本插畫家國際書展推廣計劃」，並獲邀成為博洛尼亞兒童書展「香港館」駐場插畫師，把作品帶到更遠的地方。

問她最希望作品帶給香港人甚麼，她說的並不是獎項或走上國際舞台，而是「共情」。

「我成日覺得，作品其實係創作者同讀者之間嘅橋樑。我未必可以親自同每一個人對話，但佢可以透過作品，讀到我想表達嘅資訊。」

【特別媒介】

艱深道理轉為淺白故事

「小朋友有權知道世界發生甚麼」曾經做幼稚園老師，令Zero很清楚孩子能理解的事情，往往比成年人想像中更多。「我覺得繪本係一個好特別嘅媒介，可以將一啲大人覺得好難同小朋友講嘅主題，透過故事同佢哋講。」

Zero憶起任教時曾要與學生談「貧窮」，成年人第一反應往往是「小朋友點會明？」，但Zero並不認同。她說：「小朋友係有權利去了解呢個世界發生緊咩事。唔係只需要知道我哋生活得好幸福，世界另一邊發生緊嘅事，例如戰爭，我覺得佢哋都可以知道。」

走入校園推廣繪本閱讀，分享生活體會。

插畫作品「告別新光戲院-懷舊的重量」。