(沙田)搞笑醫生 義工團隊走遍醫院

一個百變工具箱、一身小丑造型，可能令大家聯想起馬戲團和遊樂場，但你又可知道在醫院裡也會出現小丑的身影？「搞笑醫生」以笑臉帶給病童希望，是小朋友在醫院裡遇到的快樂天使。

Dr.Amy從2000起加入「搞笑醫生」義工行列，穿上色彩斑斕的醫生袍，戴上紅鼻子裝扮，出現醫院病房，20年來不惜犧牲假期，每星期為患病兒童帶來無限歡樂。

Foundation Theodora在香港25年來為各大醫院的病童提供義工服務，於2020年，正式將沿用的名稱「小丑醫生Clown Doctors」改為「搞笑醫生Giggle Doctors」，現時服務全港七間醫院，主要服務對象是兒科病房的小朋友。

Dr.Amy主力「駐診」沙田威爾斯醫院。「小朋友最怕見到白衣醫護，覺得佢哋要嚟打針餵藥，醫生就等於壞人咁！」於是，Dr.Amy將醫護道具化身好玩道具，每次進入病房探訪都會背著一大個「神奇法寶箱」，用廁所泵扮聽筒、巨型針筒、超級大藥丸等，同小朋友玩遊戲、變魔術。

非一般探熱針。

神奇法寶箱中巨型針筒。

廁所泵聽筒。

「我哋將歡樂帶入病房，讓孩子們感受醫護人員在幫助自己，降低他們的醫療恐懼，同時令他們暫時忘卻痛楚。」Dr.Amy說，深信快樂能夠帶來力量，推動病人勇敢對抗病魔。

2003 年沙士疫情後，重回醫院的裝扮。

病房難得笑聲滿載溫馨

Dr.Amy記得十多年前，一位男士電郵來信寫道：「冒昧找你們，是因為我妹妹已住院好一段時間，自此無見過佢笑，佢就快生日，好想為佢留下好的回憶，唔知你哋可唔以來病房探訪一下？」Dr.Amy表示，雖然那位病人已是成年少女，並非恆常的探訪對象，但她最後也一圓這位哥哥的心願。

曾經有位媽媽說：「Amy 醫生，你是我女兒的第一個朋友！」

完成探訪後，短短的見面令妹妹重新展現笑容，哥哥也電郵道謝「搞笑醫生」的探訪。相隔約兩年後，哥哥再次來信告知妹妹已離開人世：「多謝你哋，那一次探訪令我們一家，在妹妹在世的最後的時光留下難忘回憶。」此事更激發Dr.Amy堅持繼續服務醫院，皆因意會到「我哋唔係做好大一件事，簡單抽幾個鐘，就會令人快樂。」
Dr.Amy分享道：「係醫院見證好多連吞嚥都有困難，最基本嘅食嘢都唔係必然，所以會珍惜所有，包括同屋企人共聚的每一刻。」

珍惜所有，包括同屋企人共聚的每一刻。

「搞笑醫生」團隊合作無間！

【適應新常態 拍短片遠距離發功】

疫情期間，大多醫院實施嚴格的「謝絕探訪」措施，而坊間的義工團隊亦須暫停到訪活動。「搞笑醫生」因此在去年三月份即時回應轉變，一班熱心「醫生」齊齊自學拍片，以變魔術、教煮食同表演話劇等形式製作短片，讓病房經理播放給孩子們觀看。

「正正因為疫情期間，無人探訪小朋友，甚至連家長都唔入得，我哋更加要用新方式，等佢哋唔會孤單，唔好怕自己一個。」Dr.Amy藉此鼓勵各位香港人，逆境之中掙扎求存，適應社會新常態。

快樂能夠幫助小朋友對抗病魔。