(西貢)針黹事業媽 西貢開店享受生活

十餘年前，杭州姑娘遇上香港先生，沈衞麗（Mimi）嫁到香港，在西貢落地生根，與丈夫一同育有三子。四年前，店舖的開張乃命運使然，「舖頭選址西貢，一嚟當然因為方便喇，但最主要係因為我好鍾意呢度悠閒、寧靜嘅感覺之外，仲因為本身都係香港嘅旅遊熱點。」自此，曾經的全職媽媽便展開了如花一般多姿的生活。

Mimi四年前一場大病，令她頓覺人生「待辦清單」仍有不少未實現的事﹕「突然好想做啲鍾意做嘅野，好番之後三個月就開咗呢「花部落」間舖頭。」她指開舖擴闊社交圈子，精神好了處事積極了：「知道點去享受生活，而唔係淨係諗﹕『唉，為咗頭家，淨係做做做』，會去做運動，成個人都唔同晒，開心咗。」四年經營時間不長不短，客人變朋友最令她感動。「『我又嚟喇，我過嚟西貢呀，要嚟探下你，同你傾下偈呀﹗』，好暖心。」街坊也愛進店內與Mimi閒話家常。

花部落選址西貢這旅遊熱點。

成日有客人讚間試身室。

店舖設有別樣寬敞試身室。「『哇﹗試身室好大呀，真係好舒服，我要試多幾件﹗』有啲客人試完未必會買，但佢哋有咁嘅回應我都開心，就好似做嘅嘢有回報咁。」

「花部落」的衣服以五彩繽紛、帶有中國傳統設計和民族風的旗袍和長衫為主，由Mimi親自採購自上海、杭州。「好多客搵完都話﹕『表面睇，哇﹗好花花綠綠都唔知邊件啱。』但睇咗一陣，『哎呀，呢件好靚，嗰件又好襯咁，都唔知點揀。』」

店舖的衣服於客人猶如尋寶，細心尋找才找到自己喜歡的款式﹔「花部落」於Mimi卻猶如寶藏，以已有的，換取與客人以外如朋友般難得的友誼。

Mimi ：「我好鍾意呢度悠閒、寧靜嘅感覺。」

寬敞的試身室是店舖一大亮點，Mimi 更貼心準備鞋子配襯。

先生好支持我。

從全職媽媽升級事業型媽媽，Mimi坦言先苦後甜﹕「一開始好辛苦，開完舖返屋企，三個小朋友啲衫褲鞋襪成地都係，見到好忟﹔屋企五個人，三個仔啲衫特別多，校服一套、打波又一套，多嘢做到個人會『爆炸』。」身體差了，後來聘請家傭，「番到屋企乾乾淨淨，只係煮飯，輕鬆好多，姐姐幫咗好大忙。」

Mimi一臉滿足說：「先生好支持我，當時大病未癒，佢每日同我一齊過嚟，幫我拉個閘、拖地、吸塵。」家人的支持，對店舖的堅持，令她一直經營至今。

款式時尚，落色具國畫風，不少客人回頭支持。

【疫情之下 遙距採購 存貨有限 蘇州冇艇】

以往的傳統旗袍只有在隆重、正式的場合穿著，而且對身形的要求極高。「舖頭有嘅係改良咗嘅設計，版型差唔多，但就冇傳統旗袍咁修腰、貼身，加埋小企領嘅元素，同寬鬆少少嘅設計，都令衣服有更多場合可以著到。」休閒，甚至半正式的上班場合穿著也十分體面；寬鬆並有不同尺碼，炎夏穿著亦較過往大為舒適。

由於Mimi每次帶回的數量不多，現時受疫情限制更只能遙距採購，未能親手感受材質和手工的情況下，入購的數量比以往更少：「以前因為自己帶返嚟，靚嘅款都係三件左右，宜家就通常都係一件先，因為又唔知個質地、大細，到咗覺得件衫唔錯嘅先再返貨。」店舖衣服的流動性高，但客人很大機會「蘇州過後冇艇搭」了。

店內有售小飾物、擺設，亦有Mimi 的針黹製作。