(西貢)高球女教練 培育小孩揮for fun

在上月落幕的東京奧運會中，香港隊人強馬壯，表現備受矚目，亦令本地掀起運動熱潮。位於將軍澳的Tree Health and Sports，為集多功能於一身的運動休閒中心，不但設有多項運動課程，如高爾夫球、詠春及時下熱門的劍擊外，並提供按摩設備、兒童遊樂區和咖啡廳，適合一家大小同渡歡樂時光。

Tree Health and Sports前身為2006年成立的澳洲高爾夫球學院，後接管南華體育會的高爾夫球部，今年初更進駐澳南海岸Capri Place正式營業。

創辦人Lillian有見小朋友越發缺乏肌肉訓練、本地欠缺家庭式高爾夫球中心﹕「除咗想將呢樣運動推廣出去，我地都想有個地方可以俾家長帶小朋友嚟學嘢嘅同時，自己都可以有其他嘢做；爸爸嚟打波，小朋友又可以有自己嘅玩樂，邊一方都唔需要齋等。」

Lillian 希望令越來越多未來棟樑愛上揮桿。

三條標準16 米劍擊賽道。

個個都健康，『家庭樹』得以延續。

旨在建立兒童友善環境，有別他區只迎合成年人市場的高球場，亦想將家庭健康的概念帶進每個到訪家庭，「我地叫Tree，名副其實一棵樹，要有枝、有幹先可以叫做一棵樹﹔就好似一個家庭咁，唔只得祖、父輩組成幹，仲需要年輕嘅後輩去組成無數強健嘅分枝。」只有家庭每位成員都健康，一棵健康的「家庭樹」才得以延續。

Lillian揮桿擔任高爾夫球教練十多年，全因它極具挑戰性﹕「好多球類運動我都涉獵過，好似網球、兵乓咁放低十年廿年，都仲可以搓番幾下，但高爾夫球唔得。」除了持續不斷練習，亦是一個全新的運動世界：「同一時間，唔同階級或級數嘅人都可以一齊進行。無論係老人家、小朋友、球技厲害嘅、有錢定係基層嘅，只要係球場上，大家就一定係平等。」

Lillian ：「球場上，大家就一定係平等。」

香港地價貴，又要改變社會固有概念。

一場歷時四至五小時的相處、切磋，可以從互不相識的陌生「波友」，建立「不打不相識」的友誼，還發現無數不同的世界：「平時好難認識一啲生活背景完全唔同嘅人，正因為打golf就做到」。

至於要做到冷門運動普及化，她指仍有挑戰：「香港地價貴，又要改變社會固有概念，唯有不斷宣傳運動嘅好處同將門檻降低。」

運動休閒中心位於澳南海岸。

打高爾夫球需運用全身300 多條肌肉。

港隊張小倫
任劍擊課總監

新冠疫情反覆，Lillian表示「有危就有機」：「任何行業都有一定嘅打擊，其實好感恩，如果冇疫情我哋都租唔到呢個咁舒服嘅地方。」

最近，疫情緩和、消費券推出；東奧延後，港隊於劍擊項目表現出色，本地奧運氣氛濃厚，促使香港家長為孩子投放更多運動教育資源。TreeHealthandSports「乘勝追擊」，大力推動劍擊課程，並且早在東京奧運會前，已邀請到港隊劍擊代表張小倫擔任課程總監。

「真係冇人估得到，劍擊課程成為我哋嘅熱門課程之一。」她希望可以乘著東奧的風，向大眾推廣一系列匯集於中心的運動項目。

張小倫擔任劍擊課程總監。

東京奧運掀起兒童劍擊熱潮！