(沙田)瑜伽導師 上門教導傷健人士

東京殘奧延續東京奧運港隊取得佳績，掀起社會迴響，亦引起更多人關注傷健共融。然而，傷殘人士要走入社區，依然存在「障礙」，如他們想做簡單的健體運動彷彿是mission impossible。幸而，社會上有不少熱心人，居住馬鞍山的Gloria就是其一。她常上門協助傷殘人士做瑜伽，以減輕身體痛楚和負面情緒。

Gloria：「做瑜伽可安撫心靈。」

Gloria接觸瑜伽至今五年。起因在一次運動練習脊椎受傷，為舒緩痛楚好使芭蕾舞生涯延續下去，她每天堅持不懈練習瑜伽，過程中擺脫纏身多年的失眠，也令她明白安撫心靈之重要。

「佢哋好多時候困屋企太耐，難免會有壓抑感。」

因疫情，人人減少外出，對於一眾傷殘和長期病患人士而言，更需要避免外出增加受感染風險。Gloria表示，礙於社會無障礙設施不足，行動不便人士被困於家中。她樂意為他們「代步」，上門協助他們透過瑜伽，抒發受傷病纏身的負面情緒。「佢哋好多時候困屋企太耐，難免會有壓抑感。」

「對住孕婦同傷殘人士，要注意說話用詞，避免刺激佢哋情緒；親子班就會有多啲一齊做嘅動作，好似父母做唔到嘅時候，叫仔仔/女女幫手，盡量拉近親子關係。」細微的觀察，令Gloria多留意學生的性格、忌諱甚至與友伴的關係，使課堂氣氛融洽、順利。

經歷不同運動傷患，令Gloria設定動作時將心比心，有效緩解學員壓力和情緒。

透過運動拉筋釋放壓力

Gloria來自芭蕾舞家庭，亦有涉獵體操、田徑等運動，然因先天膝內翻（俗稱O型腳）而被勸喻專注學業：「芭蕾舞講求體態美，上一輩可能覺得我先天條件唔好，出嚟效果冇咁靚，但就間接令我喺五年前有機會接觸瑜伽。」

原任職五星級酒店管理工作，壓力大、工時長使她有五年一直受失眠困擾。生活，亦令她忘記自己曾經是名運動健將，直到以藥物調節身體一段時間後才醒覺，可透過運動、拉筋釋放壓力。

其後，她成為兼職導師，繼而轉為全職：「疫情下，我嘅酒店業工作突然變得唔穩定。」變相迫使她增加教瑜伽的次數，機緣巧合下嘗試在屋苑招收學生，漸有規模。

由於有良好的運動底子，Gloria筋骨較大部分人柔軟，笑言，「開頭只係想多些教動作，當然亦希望有學生可以一齊慢慢越做越難，向高難度挑戰。」她相信不斷重複練習一套動作，有助提高專注度，令學員暫時忘記生活上的煩惱：「呢個做法只可以幫健全嘅學生改善精神同體質，但因為身體嘅條件，未必同樣幫到傷殘或有病患嘅學生。」

精益求益的她，目前不斷尋求更多舒緩傷殘人士痛楚的方法。

指導孩童動作前，齊齊鬆一鬆拉拉筋。

【因為Miss琴拿手 身心放鬆有理由】

據香港非牟利機構調查，逾六成香港成人精神健康狀態欠佳，每七位有一位經歷常見心理疾病，「瑜伽除咗一般動作上嘅鍛鍊，另一部分就係心靈、精神上嘅安慰。」

Gloria擁有演奏級的鋼琴造詣，有助她為單一的鍛鍊課堂加入靈性元素。「上堂會播放我篩選過嘅音樂，令學生身心更放鬆。」Gloria會一邊彈奏，一邊引導學生，令他們冥想時更容易放空。

鍛鍊課堂加入靈性元素。

音樂有助情緒穩定，洗滌心靈。