(荃灣葵青離島)琵琶女好手 彈奏中國好聲音

中樂向來予人「嚴肅」、「死板」的刻板印象，以致一提學樂器，家長和小朋友十有八九的答案都是鋼琴、小提琴等主流西樂。其實，有沒有想過「我學緊琵琶」、「我識拉二胡」等等，同樣可使人滿懷成就感、引以自豪。荃灣的校園集古村裡，有位青年演奏家Charmaine鍾情琵琶，為世界各地聽眾帶來感動的中國好聲音。

Charmaine ：「就如中樂演奏西樂，多做新嘗試。」

Charmaine 7歲時，獲音樂事務處的琵琶班取錄，開始彈奏生涯。「冇話特別鍾意，舊時資訊冇咁發達，又冇咁多功課娛樂，所以順其自然。後來出去比賽攞咗獎，有成功感就越嚟越有興趣。」

Charmaine 與多位志同道合者，籌辦中樂表演活動。

「年代唔同，資源豐富咗。」

學習之初雖非來自本意，仍感謝父母師長的支持和教導：「細個學用小型琵琶，大個啲要換返大琴嗰陣，爸媽再問我想唔想繼續，叫我自己決定。」Charmaine當時已決定繼續下去。她憶述因琵琶擴闊眼界、長了見識：「第一次出國十七歲，自己一個，跟樂團去英格蘭演出，識到第一班音樂上嘅朋友。」

音樂使她成長，一次又一次背著琵琶到世界各地，學懂如何處理壓力、保持積極心態。

「有唔少學生都因為返學時間長，功課多、課外活動同娛樂都多咗選擇，就更少機會揀音樂。」她認為，年輕人如真心對音樂感興趣、有心去學習，一定可以克服困難，「年代唔同，資源豐富咗。以前我哋研究一首歌，就要去圖書館借光碟聽。宜家只需要上網，撳幾個掣就聽到。」十多年的教學，Charmaine有感雖時代轉變，然心態更勝一切。

藝術機構邀請到海外表演，以中樂奏西樂。

「學識唔代表一定要學得好。」

「我喺學生出現瓶頸或困難嘅時候，會以引導嘅方式代替強迫佢地哋繼續練習。」任何時候，遇到挫折是人之常情，Charmaine只希望重新提醒學生學習音樂的意義：「學識唔代表一定要學得好。音樂，係技術同藝術結合」。

「我地講求意境上嘅傳遞。」無論練習時心態如何，登台後便要「入樂」：「當你投入首曲，入咗忘我嘅境界，先可將你對音樂的感受，透過樂器去傳遞。」Charmaine認為，不應停滯於將中樂推廣，而是應尋找令中樂向前邁進的方式：「除音樂教學外，多元化嘅音樂演出項目，好似以中樂演奏西樂咁，多做唔同嘅新嘗試。」

在不同學校擔任琵琶興趣班導師。

有國際學校邀請她指導學生認識琵琶。

【做好自己 貢獻知音】

相對中樂，青少年更為心慕西樂，但Charmaine認為本地中樂宣傳推廣已足夠。「香港資源唔算少，呢十幾年越嚟越多學校有樂器班，當中有中樂。」她認為每個地方有其主流音樂，但不代表其他音樂發展落後，或無人問津：「每個地方，總有人留意佢地自己鍾意嘅音樂。」

她續指出，好似海外，西方經典不一定係現今主流，而香港本身就有特定中樂觀眾群。本地中樂團體常辦表演和音樂會，以至與時下流行歌手合作演出，新舊交融。

將琵琶文化帶到海外，圖為其中一站日本。