(荃灣葵青離島)紮根地區 足球助攻後生仔發圍

「成績重要，畀荃灣後生仔踢波嘅平台同樣重要。」從荃灣足球會創會便加入球隊的副主席陳偉德，一直積極發展球隊青訓體系梯隊，為荃灣社區有志踢波的青年提供發展平台。「足球係學識紀律性、團隊合作嘅體育項目，畀後生仔球場上鍛煉。」抱著此信念，陳偉德一幹就是20年。

陳偉德：「踢波可鍛煉後生仔，訓練紀律培養品格。」

走在城門谷運動場的足球草坪上，陳偉德向記者介紹著荃灣足球會20年的發展。而他最關心的便是青訓梯隊的發展，「而家我哋有U6（6歲以下）、U8、U10……一路去到成年隊，各個年齡嘅青訓梯隊都有，好齊全。」

打波無嚟落雨，個天都鍾意我，圖為荃灣U9 足球隊（黃衫）與友隊比試。

輸唔緊要，總結經驗下次更加努力。

自幼在荃灣長大，一直在這個區踢波的陳偉德，深信青少年參與足球運動，可以從中培養體育精神，乃至步入社會如何適應的人生道路。「足球場上要尊重球證、遵守規則，咁就畀細路學識咪係紀律性。與隊友踢波嘅過程，咁就對團隊合作有咗概念。」

不僅如此，他認為足球場上令青年最大的得著，就是如何正確的面對失敗和挫折，「波係圓嘅，有輸有贏。輸唔緊要，總結經驗下次更加努力，年輕人從小體驗學識咁樣面對挫折嘅態度，對人生都係好有益。」

陳偉德從荃灣足球會創會便加入球會，一幹就是20 年。

兒童足球訓練營
家長同步有得操

暑期臨近，荃灣足球會將舉辦暑期兒童足球訓練營。陳偉德介紹該會近年來發展出特色項目，便是讓陪同兒童來家長亦有得操練，「母親可以跟著我哋嘅太極師傅練八段錦，父親則可以選擇操波。咁細路鍛煉嘅時候，家長都鍛煉，一舉兩得。」

小球員為荃灣成年隊吶喊助威。

訓練班培養體育精神，踢得開心當然亦重要！

對港足發展有信心 盼融入大灣區發展

深耕20年青訓梯隊的陳偉德，堅信香港足球只要如此繼續培養年輕人，定會有開花結果的一天。他希望政府和社會有責任的企業及善長仁翁加大對足球發展的投入，「畀我哋多啲支持，更多青年踢波，對社區、社會和諧都係好事。足球係好好嘅減壓工具，青年可以係球場上，釋放自己，減低負面情緒。」

他還希望隨著大灣區發展戰略的提出，在國家的扶持下，香港足球亦可以與大灣區其他城市的球會增加交流。讓荃灣及其他區隊的年輕人，走出香港，見識其他地區水準的機會。

「希望大家唔好計較一屆、一時嘅勝敗，只要堅持培養青年20年、30年，香港足球一定會升一個台階。」

享受足球始終如一，常出戰友誼賽。

堅信發展草根足球、青訓梯隊，會令香港足球開花結果。