(屯門元朗)校園生命教育 媽媽是小學三年生

一群小學生，腰間綁着氣球，小心翼翼地彎腰綁鞋、穿上圍裙、執拾書包——這不是校園劇場的演出，而是一堂別開生面的生命教育課。透過模擬「懷孕媽媽」的體驗，中華基督教會拔臣小學讓學生切身感受到孕育生命的艱辛與偉大，這正是該校推動的「生命教育計劃」其中一環。

愛係價值觀教育嘅中心，亦係最難學、最難教，但最重要。 —羅碧芝

//嗰個同學講，當個波爆咗即刻諗起流產，佢話媽媽十個月懷胎好辛苦……//

「嗰個同學講，當個波爆咗即刻諗起流產，佢話媽媽十個月懷胎好辛苦，佢要更加珍惜生命。」德育及公民教育主任羅碧芝憶述一名小三學生的反應，語氣帶點驚喜，也滿是感動。「我冇特登教佢講『流產』，但原來佢感受到，仲識得反思。」

2018推行至今 小一至小六各有主題

該校一系列生命教育課程始於2018年，至今已推行七年。老師們引入台灣的心理教育模式，糅合香港本地實況，設計出從一年級至六年級逐步鋪排的課程，每個年級都有明確主題與目標。

「在一年級課程中，我哋講『獨特的我』，讓學生學識欣賞自己；二年級就講『和而不同』，點樣欣賞同尊重其他人；三年級開始就探討生命點樣嚟，BB點樣喺媽媽肚入面成長，睇超聲波片段、了解懷孕過程。」當中，最引人注目的是三年級學生的「懷孕體驗活動」。學生綁上氣球模擬孕肚，要完成如除鞋、執書包、返學放學等日常任務。看似簡單的動作，瞬間變得困難重重。

隨着學生年齡增長，課程設計亦愈趨豐富與現實，例如四年級會參加模擬傷殘人士的活動，「坐輪椅、蒙眼過樓梯、單腳行樓梯」，再配合真人分享的生命故事，讓學生感同身受。「有學生話：『我扮盲人，發現原來條街唔夠設施，導盲磚唔清晰，紅綠燈冇聲，佢開始諗社會點樣幫到盲人。』」

同學仔未必知道媽媽小時候有套卡通片叫《媽媽是小學四年生》，但綁上氣球模擬孕肚做日常動作，就肯定感受到十月懷胎的辛酸。

//我唔想學生死記口號，我想佢哋知道背後嘅意義。//

到五年級，主題是「逆境圖強」，學生會參加環保行山活動，要帶着書上彩虹徑，同時執垃圾，反思堅毅與社會責任。六年級則以「關懷貧窮」為主題，學生要親手製作防疫物資，送到老人院當義工。

整個課程背後，是學校以及老師們對教育深層意義的堅持。「我成日問自己：點解要學尊重？點解要學關愛？我唔想學生死記口號，我想佢哋知道背後嘅意義。」該校將課程框架統一於一個主題：「愛」。由愛自己、愛他人、愛家庭、愛學校、愛社區，到最終的愛國家，逐層推進。「愛係價值觀教育嘅中心，亦係最難學、最難教，但最重要。」羅主任認為，面對AI與科技急速發展，人與人之間的連結變得稀薄，而學校正是讓孩子學會「被愛與愛人」的地方。

【教育真義】

感受加用心就是愛

羅主任不諱言，這套生命教育課程從設計到執行都極花心力。「每年每級老師都會自己設計活動，活動做完我又會檢討，覺得唔得就換。好似搞一個社區活動，要寫proposal、預備道具、安排交通，個個細節都唔簡單。」

蒙眼學生過程中感同身受，事後想及如何可幫助盲人。

//學生講得出、做得到，唔係因為記住，而係因為佢哋感受到。//

話雖如此，當她見到學生在訪問時一臉認真、口齒清晰地分享：「我覺得社會要對盲人多啲設施」、「我要努力讀書，將來幫人」，她就知道，這些努力是值得的。「學生講得出、做得到，唔係因為記住，而係因為佢哋感受到。呢個就係教育。」

坐輪椅體驗殘疾人士在社區生活的情況。