(西貢)炎熱街頭執垃圾 活用神器 學子神氣

在炎熱街頭彎腰執垃圾的一群學生，不是清潔工，而是來自將軍澳仁濟醫院靚次伯紀念中學。他們日前參加「校際執垃圾世界盃」，親身走進深水埗街頭，以汗水體驗環保實踐，最終奪得亞軍，收穫的是比獎項更深刻的成長。

學生要建立真正的環保意識，最有效的方式係落手落腳去做。 — 劉世蒼校長

//以前成日聽老師講環保，但今次係第一次親手喺街度執垃圾，真係唔一樣。—劉梓淳同學//

劉梓淳同學說。今年5月，仁濟醫院靚次伯紀念中學首次參加由南豐集團主辦的「校際執垃圾世界盃」，聯同全港12間中學、近200名學生組成清潔隊，走進深水埗社區進行實地垃圾分類與回收比賽。該校校長劉世蒼表示，學生在高溫下完成比賽，最終奪得亞軍，但比獎項更珍貴的，是一次紮實的生命教育。

「學生喺課室學嘅知識多，但始終有距離。要建立真正的環保意識，最有效的方式係落手落腳去做。」劉校長指出，學校長年推動STEAM教育，今次更鼓勵學生在創客空間內設計「執垃圾神器」。

（最左）賴錦豐、（左三黃衫）劉梓淳與同學，以汗水體驗環保實踐。

//（設計執垃圾神器）我們考慮過人體工學，要畀唔同身高的清潔工用起上嚟舒服啲。—賴錦豐同學//

學生設計的工具可模組化更換清潔頭，附有LED燈及可伸縮桿身，考慮到不同身高及夜間工作的需要。劉梓淳解釋：「清潔工人每日推住重車，掃把又長又重，我哋設計一個輕巧方便又實用嘅清潔工具，希望可以減輕佢哋負擔。」另一隊員賴錦豐同學補充說：「我們考慮過人體工學，要畀唔同身高的清潔工用起上嚟舒服啲。」

親手設計「執垃圾神器」，融入人體工學與模組功能。

35℃冇遮冇掩 仍堅持完成

賽前，師生亦上了一系列關於回收分類與垃圾經濟學的課堂，明白到「見到垃圾唔係就執，仲要諗清楚邊啲先有價值」。「最辛苦係中午，冇遮冇掩，要喺膠樽成堆嘅地方撿垃圾，熱到好似焗桑拿。」賴同學回憶，當日氣溫高達35度，他們為降溫要去士多買水，但仍然堅持完成任務。「我哋唔放棄，因為一個人快唔代表成隊快，要一齊行、一齊撿，先至有意思。」

感受清潔工艱辛 反思自身習慣

學生們除了感受到清潔工的艱辛，也在街頭觀察到市民的自律與溫情。「我哋見到有啲街坊會將紙皮摺好擺喺一角，等人執走，冇亂丟，嗰刻覺得社區好有心。」「你話比起上十堂環保講座，都唔及一次親身去執垃圾咁深刻，」劉校長說，「佢哋唔單止尊重清潔工，仲反思自己嘅消費與棄置習慣。」

眾學生烈日下於深水埗街頭實地執垃圾。

【實踐式學習 望培養學生責任感】

學生賽後共收集約7公斤一般垃圾及數十件回收物件，包括鋁罐、膠樽等。他們細心分類，把濕垃圾與乾垃圾分開，確保回收效率最大化。「我學會咗唔好亂咁掉嘢，識得分開有冇食物殘渣，唔好污染可回收物。」劉梓淳說。他們更在比賽中思考推車路線、人流協調、隊形策略，甚至思考「垃圾點解會喺街角出現」，背後是什麼生活習慣與社會現象。

未來，學校將擴展這種實踐式學習，計劃推行「每日自潔計劃」，由學生每日放學自行清潔課室。「清潔唔係懲罰，而係公德心訓練。」劉校長強調。這次比賽，讓學生撿起的，不止是一袋袋垃圾，而是一份環保責任感與對社區的細膩觀察。

賽前，學生在創客空間進行密集準備。