(屯門元朗)Cafe出發到社區 復元者與人互動覓自信

今天，我跟隨元朗街坊翟朗滔（阿滔），來到一間不尋常的「掂過碌蔗」cafe。這裡並非普通的咖啡店，而是把辦公室空間改建，專為精神復原人士設計的空間。在這裡，他們不單學習新技能，還能通過與他人互動、挑戰自我，重新找到自信，踏上新生的旅程。

過程唔止學技能，仲係關乎心靈嘅成長。—阿滔

//咖啡店嘅飲品選擇，係復原者過去兩堂咖啡工作坊中學到嘅。//

阿滔是這次活動負責人，他解釋道：「呢間唔係普通嘅咖啡店，而係互動空間，復原者喺度唔單止係放鬆，仲可參與真實工作過程。復原者有份設計菜單、命名咖啡店、接待客人等每一環節，過程唔止學技能，對佢哋嚟講，仲係心靈嘅成長。」

復原者親手設計咖啡店的菜單，用不同形狀和材質的貼紙做剪貼創作；品項主要為常見種類，如latte、mocha、焦糖咖啡等。「咖啡店提供嘅飲品選擇，係復原者喺過去兩堂咖啡工作坊中學到嘅，難度唔係太高，主要係實習活動。」阿滔說，這不僅是學習機會，也是為未來有興趣進一步學習沖咖啡的復原者提供起點。

活動規模不大，社區的支持依然令人感動。

//復原者同義工、社區人士之間嘅信任，係一步一步建立起來。//

今天的咖啡店主角，是新生精神康復會安泰軒（油尖旺）的8位會員，他們曾面臨精神健康挑戰，如今積極康復，重返社會生活。咖啡店名稱「掂過碌蔗」由復原者構思並投票選出，寓意他們希望像咖啡店順利開張並迎接新生。

阿滔表示，復原者的轉變在這實習過程中漸顯現。「其中一位復原者Rainbow，差唔多每次都會參加我哋嘅活動。最讓我哋感動嘅係，復原者同義工、社區人士之間嘅信任，係一步一步建立起來。」

Rainbow的轉變在實習中漸顯現出來。

//最深刻嘅時刻，一定係「真人圖書館」環節。//

初時大家都比較拘謹，但隨活動進行，復原者逐漸變得主動，開始與大家分享生活。「有些復原者甚至在最後一次活動中主動幫忙沖咖啡、整理餐具，這對他們來說是一個大突破。」阿滔笑着說。

阿滔說：「如講最深刻嘅時刻，一定係『真人圖書館』環節。」復原者在這個環節中擔任「真人書」，與陌生人分享故事。當天May也分享自己經歷，她曾因家庭壓力，情緒受困。「當初自己都唔覺，直到朋友提醒，發現自己經常喊、唔瞓覺，先覺得可能有問題，於是開始搵幫助。」她提到，情緒病常被誤解為精神病，這讓很多人不敢主動求助。她希望透過這次活動，幫助大家更理解他們，減少偏見。

【拉近大家距離 探索更多可能】

阿滔表示，活動規模不大，社區的支持依然令人感動。賓客們活動後特意留了心意卡，寫下對復原者的鼓勵。「例如，有人寫『多謝你哋今日嘅努力，我真係感受到你哋嘅用心』、『其實佢哋同我哋冇咩分別，只係多咗份勇氣去面對困難』。呢啲回應唔單止打破對復原者嘅偏見，仲拉近咗大家嘅距離，令復原者感到被肯定，亦讓佢哋更加有信心繼續投入社區，成為大家庭一分子。」

「我哋將cafe實習視為復原者重返社會嘅起點。今年計劃雖已結束，但我哋希望呢段經歷可幫佢哋喺未來繼續成長。」阿滔強調，過程不僅學技能，更是幫助復原者在社區建立自信，並鼓勵他們探索更多可能。

心意卡鼓勵語句充滿力量。

活動拉近大家距離，令復原者感被肯定。