(屯門元朗)咖啡店女東 一家認真「餃」得起

陽光穿過玻璃頂，灑進一間隱身在元朗巴士站旁的小店。地方不大，卻自成一隅。這間名為「Days in the Sun」的咖啡館，像是一頁童話故事，也是店主Bella Cheung從少女到母親，一步步將夢想落地的過程。

玻璃屋簷下小角落，靜靜盛載夢想與日常。

//中學讀Art交校本評核，第一幅就係想開café。//

「中學讀Art要交SBA（校本評核），我畫咗一系列關於未來人生嘅作品，第一幅就係自己想開café。」Bella笑着回憶，「『Days in the Sun』呢個名我一直都好想用，嚟自《美女與野獸》嘅主題曲。」她特別喜歡貝兒公主（Belle），而自己叫Bella，原來夢想早已埋下伏線。

因為這份執念，她開始一步步實踐。2019年，她前往羅馬參加咖啡師課程，親身走進意式咖啡的發源地學習。2021年，她鼓起勇氣報讀倫敦藍帶。「其實報名嗰陣，我冇同男朋友（現時老公）講……但如果唔去，將來一定會後悔。」她坦言。

對我嚟講，餃子就係「家」嘅味道。—Bella Cheung

//（回憶父親離世）坐喺café，有時畫下嘢，有時睇書，甚至會忍唔住喊。//

但人生不只有浪漫。Bella的父親在她大學實習返港後數日突然離世，令她陷入情緒低谷。

「嗰段時間，我經常自己坐喺café，有時畫下嘢，有時睇書，甚至會忍唔住喊。」Bella坦言，她總覺得香港好難找到一間真正安靜、能讓人靜靜坐低、慢慢沉澱的café。「嗰刻我就諗，如果外面搵唔到，不如自己開一間，起碼畀人有個可以停一停嘅地方。」

正是這個念頭，慢慢推動她，將一幅畫裡的幻想，化成今日真實存在的咖啡館。

她將一幅畫化成真實咖啡館。

//有時我要通宵整甜品、包餃子，老公、阿媽同奶奶就會陪我一齊整。//

Days in the Sun的招牌菜，是Bella家傳的手作餃子。她說：「人哋新年返鄉下，我就返北京探爺爺嫲嫲。年三十晚，全家一齊包餃子、睇春晚，搭正十二點就落餃子，象徵團圓。對我嚟講，餃子就係『家』嘅味道。」因此她決定將餃子放進餐單之中，於是給客人帶來不同的體驗。

Café亦延伸到她的家庭生活。Bella稱：「有時我要通宵整甜品、包餃子，老公、阿媽同奶奶就會陪我一齊整。後來仲發現，原來奶奶以前做過點心，佢包餃子好靚，好似小籠包咁！」

今年剛讀幼稚園的大女，也加入成為「小幫手」。「佢而家識打蛋，識攪，整香蕉蛋糕時會幫我壓香蕉，雖然多數都係搗亂」Bella笑着說。

手作餃子與咖啡的邂逅，延續一份家的味道。

【我的心聲】

難忘可為別人留低回憶

從家庭走到社區，Bella更珍惜元朗獨有「一樣嘢」。她說：「我自細喺元朗長大，畢業後都冇離開。我唔中意市區咁迫狹，元朗啲路闊啲，多啲空間，多啲特色。最吸引嘅始終係人情味。市區café嘅客，好多時食完就走；喺元朗，好多街坊熟客會坐低，傾下計，問下你今日點呀。慢慢間café就有咗家的感覺。」

她特別記得一個片段：「有一對客人同我講，佢哋第一次約會就係喺呢間café嘅前身，後來返嚟影結婚相。我心諗，如果我冇接手，可能呢度已經變咗藥房或者五金舖，佢哋嘅故事就斷咗。原來我嘅堅持，都可以為人留低一段回憶。」

同心協力讓café成為家庭的延伸。