(西貢)校友做校長 為小小師弟妹指方向

「我係基德上午校畢業生，當年學校仲喺黃大仙大成街。」鄺嘉文輕輕一笑，語氣裡滿是懷念。2004年上午部搬入將軍澳，分拆成為「聖公會將軍澳基德小學」。多年後，她再度踏入這片熟悉的校園，身份已從學生變成校長。「由學生到老師、副校長，再到校長，幾乎整個人生都喺呢度過。」她笑言。從師姐到校長，她以感恩與信念延續母校的光。

教育嘅使命就係幫學生學識揀正確嘅路。—鄺校長

//返自己長大嘅地方教書，真係好幸福。//

大學時期，鄺校長在中文大學主修宗教研究，原本志願是任教中學宗教科。命運卻因一句提點而改變方向。「教過我嘅校長問我想做咩，我話想做老師、想影響人」，佢就話：「不如返母校教啦。」

鄺笑言，幾乎未經思考便答應。「能夠返自己長大嘅地方教書，真係好幸福。」這個決定，讓她在教育路上找到屬於自己的位置，也開啟了她與母校之間的延續故事。

學生遇到難題，常向她請教。

//種啲聖經提過、又適合香港種嘅植物，學生可親手照顧。//

秉承校訓「非以役人，乃役於人」，鄺校長深信教育不止於知識傳授，更重於品格與信念的培育。她特別鍾愛聖經金句：「教養孩童，使他走當行的道，就是到老也不偏離。」「人生有好多選擇，教育嘅使命就係幫學生學識揀正確嘅路。希望佢哋長大後，都記得要有信念、有愛心、有責任。」她說。

走進「將基」校園，信仰與創意在每個角落交織。校內設有「聖經植物花園」與「恩典之路」，是學生最喜愛的學習角落。「我哋請教過聖經植物學家，種啲聖經提過、又適合香港種嘅植物。學生上宗教課時，可以親手照顧，體驗聖經講嘅故事。」鄺校長說。

她希望校園能充滿更多笑聲與喜樂，讓學生在愛與信念中成長。

//教育者要保持開放同欣賞嘅態度。//

從事教學多年，鄺校長仍記得初出茅廬時，一位學生寫字不工整，她提醒：「將來做茶餐廳都要識字呀！」誰知學生回她：「老師，以後可能電話落單啦！」她笑着回想，「佢真係講中咗未來。教育者要保持開放同欣賞嘅態度，成功唔應該由我哋去定義，而係畀學生自己搵方向。」

校方與學生家長共建溫暖校園。

【歡笑滿校園 將愛帶入多元社區】

學校位於寶林邨旁，近年收了不少內地回流生與混血家庭學生，鄺校長特別着重他們的融合與自信，「我哋會問學生有咩興趣，再畀機會佢哋發揮。」

最近，四位來自內地的學生組成普通話朗誦隊，代表香港到橫店參賽。「佢哋嚟香港未夠一年，就已經可以自信咁上台講嘢，我睇到佢哋笑容嗰刻，真係幾感動。」她說，這種跨地域的融合，讓「將基」校園更有屬於將軍澳社區的多元氣息。

今個學年是鄺嘉文成為校長的第一年。她希望校園充滿更多笑聲與喜樂。「我哋嘅口號係『自信喜樂的將基人』。希望學生喺唔同範疇都可以成為領袖，同時學識謙卑服侍，將愛帶入社區。」她微笑道：「教育唔止係教書，而係愛的延續。感恩、傳承、承擔，正正就係我成為校長嘅初心。」

帶領學校團隊，參與西貢區社區活動。