(大埔北區)社企洗車店 洗走迷失男惰性

粉嶺帝庭軒裡毫不顯眼的地牢角落，迷途少年與中年漢藉洗車一技，重新與社會接軌，不但賺了「一口飯」，更重要的是得到「一頭家」。

高敏為打理車房和一班邊青，費盡心神。

「請過幾十個後生仔，個個都好難教，曾經試過有個男仔喺客人架車裡面打機，要我過去即刻落去道歉！」一句苦口婆心之言，出自社企「藍天環保汽車美容」的靈魂人物高敏。

環保慈善基金於2009年初開辦「藍天環保汽車美容」，目前擁有兩間服務店位於觀塘和粉嶺區，屬於民政總署「伙伴倡自強」社區協助計劃資助的社會企業。

店長阿誠：「以前成日令佢激氣。」

基金會會長高敏憶述當初走遍港九新界，終得到有心人贊助場地，才免卻往後的租金負擔。十年過去，她感慨：「依家總算穩穩陣陣，啲『細路』大個，佢哋自己搞得掂。」
高敏口中的「細路」就是十年前加入藍天的幾位青年人，其中一位是「阿誠」。阿誠以「典型壞男孩」形容當年的自己，無心向學，於是「玩玩下」嚟做學徒。

阿誠憶述，停車場夏天很熱，冬天洗車水又很冷，朝九晚七從未停手抹、洗、刷，對20出頭後生仔而言，可說是苦差。話雖如此，阿誠一做就做了十年，他笑言自己從金毛小子到今日成為爸爸，要感激他的「第二個『阿媽』」，就是高小姐。

阿誠：「以前成日令佢激氣，但佢每次鬧完之後都好包容，開開心心請我哋食飯。」

十年間，已為人父的阿誠有膊頭、有腰骨，擔當起店長職務，他表示：「除咗學汽車美容，我發現自己好鍾意推銷，更鍾意同客傾偈，原來溝通令工作更快樂。」

一技傍身，與社會接軌。

高敏：「唔可以要員工無端端受委屈。」

高敏聽見他的回應，即時說笑翻舊帳，「佢開始嗰陣，完全唔同人講嘢，我鼓勵佢要有禮貌，同客傾下生活瑣碎事。」她最感安慰是見證多位「孩子」找到自尊及人生價值。

高敏坦言曾面對數次客人的無理取鬧，如指摘員工弄花車子，當她了解事情來龍去脈後，知道客人錯怪員工，於是挺身而出，「我最多唔做佢生意，唔可以要員工無端端受委屈。」

有心人贊助場地，社企免受捱貴租之苦。

【藍天之下自強 做事認真「財」不倒】

「我做汽車美容四十幾年啦，十年前好多嘢機械電子化，我呢啲較年長，又唔識電腦，就被淘汰。好彩藍天願意聘請我，我先有份工維持生活。」

「財爺」：「做錯事會大聲去鬧！」

「財哥」是粉嶺店「總經理」，他自言對品質有要求，做事認真是基本功夫，絕不馬虎。
財哥是藍天的元祖級人馬，阿誠稱他為「阿爺」，皆因加入藍天的邊緣青年，都是財哥一手「湊大」，他敢言：「做錯事，會大大聲粗口鬧！」阿誠卻慶幸有「阿爺」這位嚴師，造就今日的自己。

財哥常教導學徒認真對待每輛車。