聞西──青豆蝦仁 伴茄汁豆瓣醬變「典飯」

 2022-03-10
聞西──青豆蝦仁 伴茄汁豆瓣醬變「典飯」

以前老人家話啲細路唔聽話,最鍾意講:等你撞過板先識學乖啲,我好認同㗎,人性就係咁,你越叫唔好做就偏偏要做。上星期全港瘋狂購物,大家都親歷奇景:超市大排長龍,食得嘅都俾人買晒,貨架全部清零。政府呼籲大家唔好咁喇,市民唔理咁多繼續狂買,幾日之後情況開始穩定,點解?買到成雪櫃都係菜,等到見到結果就係浪費,自然回歸理性。大家會唔會經一事長一智呢?

疫情嚴重,人心惶惶,各行各業開始頂唔順。好多食肆都捱唔住而無可奈何暫停營業,好多人都在家工作,宜家條街冷冷清清真係好得人驚。我好好彩繼續正常返工,上星期收工就買唔到餸,唔驚!屋企大把嘢食,不如打開雪櫃睇吓有咩材料,正所謂養兵千日用在一時嘛,買咗就要用㗎喇!我屋企雪櫃長期都有急凍蝦仁及青豆,因為我鍾意食。一個人碟頭飯最適合不過,滑蛋蝦仁飯食得多,今次加啲調味又有唔同嘅風味,點會悶㗎?睇下你肯唔肯花心思嘅啫。



醬料:
茄汁....................3湯匙
辣豆瓣醬.............1湯匙
薑蓉及蒜蓉.....各1茶匙



材料: (溫馨二人份量)
急凍蝦仁..................300g
青豆.........................100g
雞蛋..........................2隻
清雞湯或水............250ml



醃料:
胡椒粉......1/4茶匙
紹酒..............1茶匙
麻油..............1茶匙
粟粉..............1湯匙
蛋白.................半隻

調味料:
紹酒.......1茶匙
糖...........1茶匙
白醋.......1湯匙

做法:
1. 準備薑蓉及蒜蓉,將1隻蛋黃蛋白分開,半份蛋白留起醃蝦,其餘拌勻做蛋漿。醬料拌勻備用,青豆用水沖洗解凍。