健步足球 如飛夢想 呢班阿姐踢世盃

 2025-07-10
健步足球  如飛夢想  呢班阿姐踢世盃

誰說年過五十就應該收起夢想?一班熱血女士,每周走進綠茵場,揮灑汗水、重拾節奏,活出人生下半場。其中阿芝與Jenny這對姊妹拍檔,更將於今年10月代表香港中華基督教青年會(YMCA),出戰西班牙舉行的世界盃女子賽,為香港而戰,為自己「繼續上,全力上」。


10月出戰西班牙舉行的世界盃女子賽,為香港而戰!


//最緊要係控制個波,唔好快過自己,要控喺自己腳下,唔好亂踢出去。——阿芝//


阿芝從來沒想過,自己會在50多歲那年走進足球場,更會穿上印有「Hong Kong」字樣的戰衣。她笑說:「因為喺Facebook見到有免費課程,就膽粗粗報咗名!」以往覺得足球危險、接觸多,「但健步足球唔可以跑、唔可以碰撞,安全好多,冇踢過都可以參加,試吓無妨。」


阿芝清楚記得自己第一次落場的情景,時間是2023年4月。「我拎住個波一踢,點知個波快過我,我點行都追唔番——結果就犯規啦!」她笑說,這場「蝦碌」初體驗至今仍歷歷在目。經過多次練習,她如今已經駕輕就熟,更分享自己的貼士:「其實最緊要係控制個波,唔好快過自己,要控喺自己腳下,唔好亂踢出去。」


//踢出世界?我以前唔敢講,諗都冇諗過,但而家真係有機會去西班牙,太開心。——阿芝//


著上波衫,氣勢即刻唔同晒。正面肯定係,所以補個側面同背影。


比勝負更重要的事 點頭之交變好姊妹

短短兩年,阿芝由參與者成為健步足球的代表球員,由第三屆踢到第五屆聯賽,更曾奪得「神射手」殊榮。「比賽真係學到好多,唔係次次都贏,但會知道自己邊度要改善,仲會培養到隊友默契。」


對她而言,比勝負更重要的,是認識了一班志同道合的朋友。尤其是Jenny,兩人由點頭之交變成並肩姊妹。「去台灣比賽同房之後熟咗,又住得近,一齊練波、傾仔女、講生活……」


今年10月,這對姊妹將首次踏上世界舞台。阿芝笑言:「朋友問我幾時踢出香港,我答:去咗台灣(交流賽)!佢哋再問:幾時踢出世界?我以前唔敢講,諗都冇諗過,但而家真係有機會去西班牙,太開心。」


相信影完相去血拼的力量,就如入球一樣難以阻擋。


早前一班姊妹赴台灣參加交流賽,踢波、食好嘢、笑聲不絕,人生上半場之後照樣精彩無比!


//自己加操、約隊友練波,定個目標,唔想將來後悔。——Jenny//


Jenny回憶起首次穿上印有「Hong Kong」字樣的球衣,內心百感交集。「從來冇諗過有機會代表香港。一開始仲以為係講笑,點知成真,當然想好好發揮。」對她而言,比賽成績固然重要,但最珍貴的,是這段難得的經歷。「當然想贏啦,但更想感受世界級比賽氣氛,識吓朋友。」她亦表示,現正積極備戰,「自己加操、約隊友練波,定個目標,唔想將來後悔。」


連仔女都讚:「阿媽,你真係型!」


【聽佢講】

體能明顯改善 鼓勵同齡人玩

Jenny補充,自從參加健步足球後,體能明顯改善。「肌肉結實咗,連美容師都話我精神啲、後生咗!」她笑言,最明顯的轉變是平衡力進步:「搭車唔使慢慢扶住,腳有力,自然穩陣。」


身為過來人,阿芝鼓勵更多同齡女士踏出第一步。「我介紹咗一對夫婦一齊參加,佢哋玩得好開心,精神都好咗。其實只要肯試,就會發現——原來運動可以咁快樂!」



【話你知】

球員唔准跑並禁碰撞

健步足球(Walking Football)2011年源於英國,2015年由YMCA引入香港,專為50歲以上人士及長期病患者而設。最大特色是「唔准跑」,球員只能行走,踢球高度不得超過1.83米,亦禁止身體碰撞。賽制為五人制,守門員只可用下手滾球。規則以安全為本,鼓勵長者及初學者無懼年齡,輕鬆參與,享受運動樂趣。


練波隨心所欲,落場比賽就通常撳低個波踢。


場上英姿煥發,盡顯功架。控得好、交得妙,自然入得到。




封面故事

生活

學習

運動



相關文章


仁濟主席王賢訊──父子的傳承  當仁不讓封面故事

仁濟主席王賢訊──父子的傳承 當仁不讓

談起慈善團體,大家的印象可能是明星獻唱金曲的電視籌款Show,可能是每逢周末的賣旗日……但對於獅子山...

導演陳文剛──第一個沒主角的母親節封面故事

導演陳文剛──第一個沒主角的母親節

陳文剛(Rensen)導演除了是糊塗戲班的負責人外,他和太太魏綺珊也開辦了一個無障礙劇團,幫助社會上...

IG官方推薦攝影師李慧妍──心跳快門封面故事

IG官方推薦攝影師李慧妍──心跳快門

她,流連於城市空間,拍攝都市人的生存狀態;她,行走在夢幻的國度,用鏡頭和大自然深度對話;她,在...

紙藝師Yuki──DIY相簿留住愛‧回憶封面故事

紙藝師Yuki──DIY相簿留住愛‧回憶

于浣君(Yuki Yu),有人稱她紙藝師、有人冠以手作達人之名,無論怎麼稱呼,不難猜出她是一位用紙材創...

救貓狗天使EI──守護生命封面故事

救貓狗天使EI──守護生命

1997年初,香港掀起一股移民潮,揮一揮衣袖,不帶走一片雲彩,亦帶不走那些大家曾經深愛、共度日夜的...

武藝家劉萬梁──雙節棍道 香港無雙封面故事

武藝家劉萬梁──雙節棍道 香港無雙

人稱劉師傅的劉萬梁,是「80後」雙節棍大師,在他身上不難看見李小龍的影子。當香港似被標籤為「文化...