無繩滑水后 風浪視作拋浪頭

在大埔海面，一陣船浪推開平靜水面，李凱倫（Helen）雙腳踏穩板面，身影隨浪起舞。她是香港尾波衝浪（Wakesurf）代表隊女子Skim組選手。從職場走進大海，她用汗水與浪花寫下屬於香港的故事，用力量與節奏演繹屬於自己的自由。

日日曬太陽、落海，皮膚老得快咗，但個人快樂咗好多。

與海結緣源自丈夫

//我陪佢上船睇吓，點知一試就上癮。//

在投身水上運動前，Helen曾任美容品牌管理層，長期穿梭於冷氣房與會議室之間。「以前嘅我好白，好著重外表；而家日日曬太陽、落海，皮膚老得快咗，但個人快樂咗好多。」她笑言。

與海結緣，緣自丈夫的帶領。「佢玩開Wakesurf，我就陪佢上船睇吓，點知一試就上癮。」她說。原本只想體驗一下，沒想到浪花一拍就拍進心裡。「上到船、曬太陽、聞到海水味，成個人都放鬆晒。嗰種自由感，令我成日都想再落海。」從旁觀者變成主角，她由興趣玩到專業，最後更站上國際舞台。

踏浪而行，身影隨浪起舞。

首參賽奪冠後遇低潮

//嗰陣時真係幾辛苦，要不停調整心態，搵人傾偈。//

2019年，在丈夫一句「不如試下比賽啦」之下，Helen首次參賽便奪冠。連贏幾場後，她反而開始不安：「贏得太快，會驚自己攞唔返。」第四、第五次比賽，她陷入低潮，連決賽都進不了。「嗰陣時真係幾辛苦，要不停調整心態，搵人傾偈，重新出發。」

2022年，雖然Helen已奪得亞洲錦標賽冠軍，但到2024年，她才如自己後來憶述說：「真正的運動員，唔怕跌，最緊要有勇氣再起身。」

2024年，香港首次舉辦大型國際賽事「IWWF世界尾波衝浪錦標賽」，比賽於大埔海濱公園舉行。賽事由國際滑水總會主辦，亦是全球首屆最高級別的世界錦標賽。Helen再度代表香港出賽，與世界頂尖選手同場較量，最終成功奪冠。「由高點跌落、再慢慢爬返上嚟，對我嚟講係一個自我肯定。」

信念與努力，會 意料之外把浪推得更遠。

推動滑水文化重要一員

//只要唔怕水，就可以享受海嘅自由。//

身為代表隊成員、教練兼裁判，Helen希望用經驗帶動更多人認識這項運動。「Wakesurf冇想像中咁難，小朋友、成年人都玩得，只要唔怕水，就可以享受海嘅自由。」如今，她不單是一名選手，更是推動香港滑水文化的重要一員。「我相信吸引力法則：信就有，唔信就冇。」

真正運動員唔怕跌，最緊要有勇氣再起身。

【感動時刻】

見證怕水學生克服恐懼

轉入水上運動後，她的生活節奏完全顛覆。「夏天好忙，忙到冇時間同朋友食飯；冬天又可以放幾個月假。」雖然作息不定，但她享受這種與自然同行的節奏。

「我有個學生好怕水，落水都要我扶住，驚到喊。」Helen回想起一幕仍然動容。「佢話想克服恐懼，我就陪佢一齊深呼吸、倒數三聲放繩。佢放手嗰下，我都想喊。嗰一刻真係好感動。」她笑着說：「佢都唔怕，我驚咩？跌咗再起身就得。」這份「信就有」的信念，也成為她對學生最想傳遞的信息。

Helen最開心看見學生放手一刻的勇氣。

【意料之外】

疫情出境受限掀衝浪潮

疫情期間，出境受限，反而令滑水以至尾波衝浪在香港掀起熱潮。「嗰陣朝早五、六點就排晒人，個個都想落海放鬆下。」她笑說。

那段時間，香港玩家愈來愈多，水準亦急速提升。「而家香港隊嘅水平真係好高，亞洲區都數一數二。我哋隊員都可以同外國一齊比，真係好驕傲。」

香港隊水平亞洲頂尖，能與世界選手同場競技。

【小知識】

結合衝浪與滑水元素 毋須持續拉繩

尾波衝浪（Wakesurf）結合了衝浪與滑水的元素。運動員利用快艇產生的船尾浪滑行，不需一直拉着繩子，感覺就像在人工海浪中自由衝浪，所以又被稱為「無繩滑水」。

尾波衝浪板主要分為「Skim」與「Surf」兩種。Skim板細而薄、浮力低，適合旋轉與靈巧技巧；Surf板較大、鰭多、滑行穩定，速度感更強。