(西貢)羽球教練教揮拍殺波 磨練鬥志品德教

「宜家啲小朋友抗壓能力真係差」、「班後生，辛苦少少都捱唔到」等說話，相信已投身職場的新一代也聽不少，多數人歸咎年輕人自身質素，又有沒有想過是家庭教育方式出現偏差？26歲羽毛球教練郭希洋（Anson）有感教育學制度重成績，而忽略心理成長訓練等其他方面，便致力培訓小朋友將困難視為「進步的機會」。

Anson：「小朋友嘅成長令我好有成功感。」

運動競技雖然也追求比賽成績，Anson指同樣重視訓練過程﹕「好似肌肉訓練，點樣一步步由5公斤、10公斤逐少加上去，好多人往往忽略精神上需要嘅訓練。」教練們的知識便是資源，他希望可以創造更多同行間交流，並將正面的思想、品德教育傳授予更多小朋友。因此，他便2017年成立「揚風羽毛球會」，在香港幾個社區體育館開班。

「冇羽毛球，我可能只係讀書唔叻嘅小朋友。」

在母親薰陶下，Anson自幼稚園已接觸羽毛球，笑著坦認非讀書材料﹕「中二、三識咗位同樣熱愛羽毛球多過讀書嘅朋友，我哋喺一個球會度識咗個教練，係佢引導我去羽毛球教練呢條路。」他說：「當初如果冇跟媽媽去打羽毛球，我可能只係一個讀書唔叻嘅小朋友，到宜家呢個時候，都可能唔知自己究竟自己諗，或者鍾意做啲乜嘢。」

「當你身為一個運動員，落場打波嘅時候需要全神貫注，付出嘅係體力；而教波相對就付出少好多體力，但背後嘅精神、時間、準備係多好多。」他慨嘆，兩種付出都需要極大的心力，但教學上則偏重思想如何令學員被自己激發：「開頭唔係好鍾意教，但發現原來小朋友嘅成長會令我好有成功感，就開始有興趣。」

教練工作十分適合個性好動的Anson。

細心指出正確發力秘訣。

「希望教到有個學生可以打贏我」

Anson一直以來都希望「青出於藍，更勝於藍」：「我一直都希望可以教到有個學生可以打贏我、叻過我。」一名中學師弟，同時又是他的學生，輾轉知道這個目標後就努力發奮，雖未能挑戰成功，但已成為「揚風」其中一名教練：「當時令我好感動，亦都係一種緣份。」

此外，他也希望建立全職教練制度﹕「因為行內大部分教練唔係兼職，就係自由工作者。」他希望可以做到有「包底薪」的全職教練系統，不僅僅能夠保障教練的生活，都可以激勵番士氣，令球會進步。

學員全神貫注聽指導。

奧運落幕懊惱依然
人材生計土地問題

香港隊在東奧取得佳績，Anson感到自豪又婉惜：「始終本地對運動員資助唔多，令好多好有潛質嘅運動員最後放棄轉做全職。」他稱，本地年輕羽毛球手水平絕不比其他國家地區遜色，然而當基本的維生問題都難以支持，撥出時間訓練又談何容易？

另外，香港土地問題嚴重，康文署提供嘅場地有限，發展體育事業難上加難。訓練場地少之又少，但Anson仍熱衷夢想擁有自己的羽毛球場。香港運動員，一股憧憬，一鼓作氣，相信你們可以的！

充滿快樂氣氛的羽毛球班，一眾人不「打」不相識。

藉運動訓練令小朋友身心成長，學習渡過難關。