(沙田)漢堡包店東 手打情味 前景看「醬」

在馬鞍山新港城五期一角，一間不太起眼的小店，飄出陣陣烤肉香與蒜蓉醬的氣味，吸引不少街坊駐足——這裡就是由Chef Lai主理的「Sick! Burger」漢堡包小店。Chef Lai憑一份堅持與創意，在區內打響了名堂！

番茄醬係我自己落洋蔥、蒜、茄膏慢炒，調味之後打碎，用心去做，街坊會知。 ——Chef Lai

//喺Fine Dining做得好辛苦，想試下做啲自己話事、真心好味嘅嘢。//

Chef Lai曾在多間米芝蓮餐廳、私人會所擔任主廚。疫情爆發後，他轉向簡單卻講究的漢堡，選址自己居住的馬鞍山開店，用手工與誠意重新定義快餐。他笑言：「以前喺香港好難搵到一個我覺得真係『正』嘅漢堡，所以索性自己做。」

店名「Sick! Burger」源於Chef Lai在英國工作時的回憶——當地同事常用「sick」來形容「型」或「超正」，他希望自己的漢堡也能令人有同樣驚喜。店內招牌之一是「Double! Sick（雙層牛肉漢堡）」，選用100%手打安格斯牛肉，配上自家製蒜蓉茄醬與焦糖洋葱，咬下去肉汁橫流，甜鹹平衡。

另一款「Sick! Fish（魚柳漢堡）」則以英式啤酒炸漿包裹銀鱈魚，再佐以紫洋蔥酸忌廉，口感酥脆又爽口。每款漢堡的麵包、醬汁都由店內自製，「連番茄醬都唔係現成，而係我自己落洋蔥、蒜、茄膏慢炒，調味之後打碎，用心去做，街坊會知。」

這位主廚將烹飪心得娓娓道來。

Chef Lai自豪地表示，全自家製出品融合港式風味與西式手藝。

//有時熟客唔使落單，我見到人已經知佢要乜，呢啲係大型連鎖店畀唔到嘅人情味。//

小店座位不多，但有不少街坊熟客。「有啲婆婆嚟買漢堡，我第一眼會諗：咦，佢會食呢啲咩？但原來佢係會一個人坐低慢慢食晒，食完仲會同我講：『個包好香呀。』」這些場景，讓Chef Lai覺得「煮嘢唔止係為咗飽」，更是一種連繫。「有時熟客唔使落單，我見到人已經知佢要乜，呢啲係大型連鎖店畀唔到嘅人情味。」店舖開業至今已四年，即使疫情、移民潮與外賣平台成本壓力持續衝擊生意，他仍堅持「細細間做得精」做下去。

Chef Lai擅長將港式味道注入西式菜單，例如限定菜式「芫荽滑蛋沙嗲牛堡」、「阿華田奶昔」等。「香港人鍾意食咖喱、芫荽，我咪諗吓點樣變做一個包，出嚟又好味又唔古怪。」他表示，最滿足並非生意最旺，而是客人食完跟他說：「呢個包真係好食。」

「Sick! Burger」選址社區角落，空間不大卻擁忠實街坊熟客。

【細空間溢出真誠 拉近人與人距離】

在銅鑼灣開設第二分店後，他仍經常回來馬鞍山。「我太太放完學接小朋友，有時會落嚟幫手，我個女都試過幫我抹枱、寫配料，覺得好似玩緊煮飯仔咁，開心過補習。」

節奏慢、空間細，但人與人之間的距離也近了。「你企喺廚房都聽到人講乜，食客睇住你整，大家都真誠少少，呢個就係我想要嘅小店。」回看這幾年走過的路，Chef Lai坦言，難關不少，但心裡仍然相信：「唔係淨係大品牌先值得講，小店都有自己嘅味道，甚至可以講故事。」

Chef Lai補充，雖然7月即將在中環開新店，但他會定期回馬鞍山店坐鎮，親自監督食物質素，同時與熟客保持聯繫。

每天營業前，準備自家醬料與手工漢堡包，務求細節見誠意。