(大埔北區)西餐廳店東 為街坊就有好「煮」意

位於太和街頭一隅的西餐廳「Polaris」，以簡約白色為基調，打造現代清新氛圍。「我屋企人係開小食店，所以我從細就接觸飲食業；加上自己又鍾意食，成日上網研究，漸漸就有開餐廳嘅夢想！」主理人Roy Lau是土生土長的大埔街坊，希望在這個不足600呎的小空間，打造屬於街坊的溫暖餐廳。

我鍾意煮嘢食，最開心係見到食嘅人滿足嘅笑容！—Roy

（談及店號Polaris）希望失去方向時，餐廳成為引領我前進嘅力量。

身為小食店的二代接班人，Roy本可以繼承家人的業務，但他選擇走自己的路。他笑言：「屋企人嘅小食店唔係我最想發揮嘅地方，唔少限制；試吓同其他人合作，可能會開心啲。」於是，Roy決定自學並在不同餐廳工作偷師，逐步累積經驗，最終實現自己開餐廳的夢想。

餐廳名字「Polaris」源自拉丁語，意指「北極星」。談及為何選擇這個名字，Roy解釋道：「因為當時真係唔知起咩名，北極星在天上嘅位置恆定，係指引方向嘅重要標誌；所以我希望，在自己失去方向嘅時候，餐廳可以成為引領我前進嘅力量。」他希望這顆星不僅能引領自己，也能指引街坊們來到這間餐廳。

全心全意去煮，期待食客即時反應。

//呢啲小事令我覺得，大埔真係同其他區唔同。//

談到大埔，Roy認為最重要的是人情味：「呢度嘅客人，唔會食完埋單就走，佢哋會同你講『好好味呀』、同你傾下偈……最勁係有個妹妹，周不時會整勞作送畀我哋，仲要寫埋『我最中意嘅人係呢個姐姐』！有好多呢啲小故事發生，呢啲小事令我覺得，大埔真係同其他區唔同。」

Polaris主打手工銅模意粉和自家製醬料，每一啖都充滿心機與手作。Roy直言：「我鍾意煮嘢食，因為最開心嘅係見到食嘅人開心、滿足的笑容！」廚房採用半開放式設計，讓食客看到食物的製作過程之餘，也能讓Roy直接感受到食客的即時反應。

有時都會諗：做餐廳唔係淨係煮食咁簡單。

//街坊的鼓勵畀咗動力，讓我重新振作。//

Roy坦言，經營餐廳的現實遠比夢想來得辛苦：「生意最差嘅時候，我都有諗過不如算啦，但每次同客傾計，或者聽到啲街坊嘅支持，都令我覺得『唉，唔好放棄，繼續努力』。呢啲鼓勵都畀咗我動力，讓我重新振作。」他表示，正是來自客人和街坊的支持，給了他繼續堅持下去的勇氣。

餐廳偏向意大利風格，Roy早前專程到羅馬學藝。

【羅馬學藝 為大埔注入意式風情】

Roy的工作日常從早上11點開始，處理菜貨、開檔、補貨，直到晚上10點才收舖，幾乎每日都要工作12至13個小時。他坦言：「做餐廳唔係淨係煮食咁簡單，親手做才發現，仲要計算成本、控制食材！」但最令他滿意的是能夠遇到一班好同事。「當我好忙、好辛苦嘅時候，佢哋會叫我『放下假啦，食飯啦』；望見佢哋好畀心機用力咁打醬料，真係好開心、好感動！」

餐廳偏向意大利風格，但亦融合了其他元素。Roy分享指，早前專程到意大利羅馬學習製作提拉米蘇（tiramisu）和意粉，並將當地的傳統味道帶回大埔，為食客帶來正宗的餐飲體驗。

Roy 最愛大埔人情味，經常跟隔鄰舖頭互相交流。