(屯門元朗)運動迷校長 奉行供「球」關係

「一粒糖，學生會記好耐。」對黃建豪來說，教育不在於站在講台上，而在於如何走近學生。打波、傾偈、請食飯，他用最貼地的方法建立關係。由接手訓導工作，到帶起賽艇隊，他陪著學生成長，也看著他們一步步走上更遠的舞台，甚至站上亞運頒獎台。

運動其實係訓練緊個mindset。 — 黃建豪

//我會同佢哋打波、傾偈，有時請食嘢。//

黃建豪的教育路，從家庭開始。兩位姐姐都是老師，放學後不是改簿，就是與家長聯絡。「成日見住佢哋咁做，你自然會覺得，做老師係一件好正常嘅事。」耳濡目染之下，他走進教育界，於2020年來到圓玄學院妙法寺內明陳呂重德紀念中學出任學與教副校長，更於2025年9月升任為校長。

入行之後，他很快知道自己不會做一個傳統老師。「我唔想淨係企喺度鬧人。」當年不少人避開的訓導工作，他反而主動接手。「我就諗，點解學生一定要怕你先？」他選擇用另一種方式去做——「我會同佢哋打波、傾偈，一齊食吓飯，了解佢哋嘅困難。你同佢有關係，佢先會聽你講。」

運動是黃建豪的最愛，也成為他在校園積極推動的重要方向。

//唔係淨係畀個場佢哋打，而係要幫佢哋行得更遠。//

運動，是他與學生之間另一條重要連結。年輕時是游泳隊與籃球隊成員的他，至今仍活躍於業餘球隊。他留意到，校內不少學生放學後仍留在球場，「六點、七點都仲唔走」，只是默默練習。「既然佢哋有心，點解唔幫佢哋做多一步？」於是，他推動改善設施，引入更完善的籃球設備，將原本零散的興趣變成有系統的訓練。「唔係淨係畀個場佢哋打，而係要幫佢哋行得更遠。」

在他眼中，運動的價值從來不限於成績。「運動其實係訓練緊個mindset。」他直言，未來世界不再只是比拼知識，反而是面對挫敗的能力與堅持。「學生將來面對嘅係2035年嘅世界，未必係靠讀書就贏到。」因此，他更希望學生在運動與校園生活中，學會面對失敗與重新站起來。

黃建豪多年教育生涯當中，積極發展學生不同運動項目，其中他曾教導的王瑋駿(右)與葉禛傑(左)，更代表港隊出戰國際賽艇項目。

【校園開貓Cafe 快快樂樂學英文】

「如果十個學生得一個合格，我會問，係學生問題，定係課程問題？」黃建豪認為，課程不應只是「教完」，而是讓學生真正「學得識」。因此，學校推動校本課程，按能力作出剪裁，集中基礎與應用。「唔係要教晒全部，而係要教佢哋用得到。」

在英語學習方面，他選擇由興趣入手。「中學生讀一本完整英文書，其實好吃力。」與其強迫閱讀長篇書籍，他改為引入雜誌，「有圖、有內容，可以揀」，讓學生先建立閱讀習慣，再逐步深化語言能力。

一個偶然，令學習空間出現轉變。學校曾照顧流浪貓，其後再領養兩隻小貓，加上家長支持咖啡資源，英文學習中心逐漸變成「Charlie’s Cafe」。午膳時間，不少學生因為環境走進來，在輕鬆氣氛中與外籍老師交流英語。黃建豪說，學習有時要先從吸引開始：「你要先贏到佢哋嘅興趣，之後先可以慢慢帶入語言。」

在毛孩陪伴下，學習不再緊張。

個性不同的兩隻小貓，常依偎在一起。