聞西──家常菜變上菜 麻婆豆腐 x 鮑魚仔

今晚食乜餸好呢？走進街市毫無頭緒？這些痛苦相信大家都試過。通常這個時候腦裏就會浮現一些經常煮的菜式，可能是自己最拿手的，又可能是老公最愛吃的，但不斷重複也不是辦法，有沒有想過來個加強版呢？就算同一款餸其實都可以有好多變化，今次為大家示範將麻婆豆腐這個耳熟能詳的家庭小菜增值。

首先我會加入鮑魚仔，基本上有鮑魚出現的菜式都有種貴價菜的感覺，事實上，半斤鮮鮑也不過是40元吧，絕對是呃like之選，哈哈！留意用細隻的鮮鮑便可，除了價錢便宜之外，細細隻又快熟又易掛汁。我還加了韭菜提香，令整個餸的味道更濃郁豐富。

正宗的麻婆豆腐的靈魂在於辣椒的辣和花椒的麻，當然在家做就不用這麼重口味，用一般超市買到的豆瓣醬便可。我喜歡姓李那個牌子，顏色及味道都較對辦。教多大家一個必殺技，就是上菜前再撒些花椒粉，除豐富了麻辣的層次，賣相好像更加正宗。豆腐則用板豆腐，質感雖然沒蒸煮豆腐滑身，但勝在不易散及水分少。

做法 :

1. 免治豬肉落醃料醃15分鐘；板豆腐切粒；韭菜及芫荽切段；蒜頭及乾蔥頭剁成蓉；鮑魚用滾水浸3分鐘後起肉，在平滑那邊鎅花備用。

2. 燒熱易潔鑊落油，先將免治豬肉煎至金黃色，然後加入蒜頭及乾蔥頭炒香；吃辣的可加紅椒粒。

3. 加入板豆腐及調味料略炒，再加水冚蓋煮3分鐘，然後落鮑魚冚蓋煮多3分鐘。

4. 最後加入韭菜拌勻，用少許粟粉打芡，上碟後撒上適量花椒粉及芫荽碎便完成。